立場新聞 Stand News

警方記招讀稿被打斷 記者群起發炮 呈照片影片對質

2019/8/12 — 18:08

警方今日下午再召開記者會。面對8.11警察疑扮示威者、搜證時插贓嫁禍、近距離「行刑式」開槍等極待釐清的問題,在場多家媒體記者指,均對警方連日重覆論調感不耐煩,多次在警方未正面回應問題時打斷其發言、重申問題重點逼使其回應,亦有記者帶同昨晚的新聞照片及影片作為證據與警方代表對質。

是日警方一度稱記者會提早至下午3:30舉行,然而在媒體準時趕到後,最終警方又遲到,記者會仍是接近四時開始。在行動副署長鄧炳強完成數分鐘的開場發言後,即有記者要求「介唔介意俾我哋問咗問題先讀你哋既稿?」「不如直接答問題啦!」

鄧炳強仍欲交予其他同袍發言,指若不讓警方完成發言,對其他想聽的媒體來說不公平,惟在場記者齊聲表示同意提早答問環節,亦有記者開始在座位上直接提問:「銅鑼灣制服示威者的黑衫人係咪警察?點解佢唔出示委任證?」「記者問問題你唔答就唔好開記者會!」

廣告

直至鄧炳強再三保證會回答所有提問才結束記者會,記者始讓其他警方代表繼續「讀稿」。然而當警方讀至昨日拘捕示威者時搜獲證物,包括丫叉等,有記者即時發問:「見到你哋有同事將丫叉放到示威者背包度喎,哩啲證物係咪插贓嫁禍架?」「公眾係唔應該聽到你哋哩啲自相矛盾嘅講法,好似北角嗰晚明明你哋警署無俾人圍、又話有被圍...」

警方欲辯稱「如果你哋唔滿意警方答案...」記者即指「唔係滿唔滿意嘅問題,係誠信問題!」「你將啲嘢放在示威者背包,點樣要人相信你哋?」

廣告

進入答問環節,再有記者以簡單句式發問逼警方回應:「昨日在銅鑼灣挑起事端再突然掣服示威者嘅係咪警員嚟?yes or no?」警方照例不明確回應,只答會按需要喬裝成不同人物,記者群起而攻:「咩唔同人物呀?」「有定無呀?」「即係有無警員扮示威者?」「幾時開始參與示威行動?」「有無嘗試指揮叫人去邊去邊?」警方再強調這些是行動細節「唔方便透露」,記者反駁:「已經過咗去嘅事仲點樣影響你哋行動?」「咁點解拘捕時都唔表明身份?」

記者們亦重點針對警方近距離使用槍械提問。例如在太古站「有咩理據要在1米距離下向市民開胡椒球槍?係咪符合你哋嘅武力指引?」鄧炳強只稱會就相關情況再了解和檢討。當記者問胡椒球槍可用的最近射程應為幾多?鄧就轉為答手頭上沒「有效射程」的相關數字,記者又群起指正他曲解問題。

之後再有記者翻查過去訪問,當時警方曾指使用布袋彈一定要射大腿以下,「你哋而家有人射頭,係咪要調查、停職、相關表現唔合格?」然而無論記者再團結、不斷盤問多少次,幾位警方發言人仍是一再重覆指「實際情況同影片所見未必一樣」、「行動細節唔方便講」、「會再檢視」、「詳情而家答你唔到」、「回答咗好多次架喇」。

發表意見