假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/5/11 - 11:40

議員數掩飾零票數 中立做聽話擋箭牌

石禮謙

石禮謙

首先請大家搞清楚,逃犯條例攻防戰,親中派話搵「建制派最資深議員」石禮謙主持會議,所謂「建制派最資深議員」法律上係唔存在的。香港冇政黨法,民主派建制派只係大家口講,冇法律條文規定「依個議員/政黨係民主派/建制派」,自然亦唔存在「建制派最資深議員」。涂謹申主持會議係因為佢係全場最資深,根本唔關民主派/建制派事。

所以所謂「建制派最資深議員」係憑空老作,全冇法律基礎,親中派做的同「我中意阿茂主持就阿茂」一樣,佢哋話 OK 就 OK。內會大過委員會就可以干涉,根據依種邏輯,不如下次邊個做唔做得委員又干涉,辯論咩內容又干涉,委員會有咗決定又干涉,一陣石禮謙 short 咗內會又可以換主席,乜都內會決定哂吖笨。

跟住,親中派依家又話要講民主、數人頭佢哋贏,唔好忘記依個立法會本身就係不公平,親中派係靠功能組別零票當選先有咁多議席,議會多唔多數根本同民唔民主無關。咁講民主,不如全港公投啦。但又唔係喎,好似之前遊行佢哋先話人數同民意唔重要喎。真係佢講哂。

廣告

至於秘書處話自己中立。話自己中立其實就係親中派,大家日常生活都接觸好多依種人㗎啦。話政客唔好,但永遠係鬧民主派政客多。話政黨唔好,喂共產黨又唔見你話唔好。話唔要政治化要正能量,自己又一日到黑都講政治、超多 fake news 陰謀論、媽叉廢青。

另一種所謂中立,叫跟規矩做。跟規矩做就中立,規矩本身一定中立㗎?功能組別都係規矩,好中立呀?政府政策保證地產界、工程界同公共事業(e.g. 港鐵)包賺錢,好中立呀?法庭成日見人出身好(i.e. 有錢/讀名校)就輕判,好中立呀?(出身唔好就抵坐監?)

乜都話跟規矩做,但又唔去諗規矩背後應有的邏輯同道理,唔叫中立,只叫聽話。有親事就賴「我跟規矩啫」、「我跟大隊啫」,唔係中立,實質就係聽話。規矩叫你殺人你就殺人呀?納粹黨同共產黨咪最多依類人囉。

仲有個問題係,依家直頭連跟規矩做都唔係。「建制派最資深議員」?邊度寫有咁嘅嘢?內會可以代委員會做哂決定?邊度寫?跟住話,有人叫我咁做我咪照做囉,好中立吖。民主派問你啲問題你答咗未?中立?聽話就真。

(btw 見到慢必「省」人個樣,又醒起以前聽過個師奶講,好唔中意慢必,因為佢大聲鬧人喎。大聲就係衰人,細聲就係好人?唔洗理成件事係點,同佢講咩理據嘅。Goodest logic。好中立。再 btw,我見依位師奶「省」菲傭同細路,肯定大聲過慢必囉。)

 

作者 Medium