立場新聞 Stand News

譴責特區政府

2016/10/31 — 9:46

議員劉小麗在城市論壇中遭掟鞋 (城市論壇直播截圖)

議員劉小麗在城市論壇中遭掟鞋 (城市論壇直播截圖)

【編按:作者乃回應昨日議員劉小麗在城市論壇被掟鞋事件,掟鞋男子戴有親建制組織「保衛香港行動」的帽子,但該組織指該男子未經過入會手續,僅於上周相識,強調非該組織成員。】

足足半日,一粒聲都未出過,以後重憑乜譴責人?憑乜話反對暴力?憑乜叫人客觀理性?

作為政府,反對暴力呢個立場冇問題,而且十分應該。

廣告

但係作為政府,雙重標準就十分有問題。梁振英去咗邊?林鄭月娥去咗邊?律政司長去咗邊?警務處處長又去咗邊?員佐級協會嗰位陳祖光主席唔該出嚟講講,係唔係另一單警察心目中嘅「先撩者賤」?究竟係邊個撩?邊個賤?

情況就一如上個禮拜,建制派搞流會,就係表示齊心?咁都講得出?有冇搞錯?知唔知醜字點寫?知唔知衰格係乜意思?作為政府,點可以咁無恥?

廣告

明唔明點解政府民望越嚟越低?正正係這一班所謂管治團隊,做嘢毫無原則,標準因人而異,重不斷搬龍門。

老實講,我覺得這個特區政府越做越衰格。唔好話領導香港社會,話這個政府代表香港我都認為影衰咗我!

原刊作者facebook專頁

發表意見