立場新聞 Stand News

買件油多都要話睇身分證

2017/5/9 — 20:05

80年代,黃霑曾以聖誕老人打扮示人,登台以及拍攝宣傳照。

80年代,黃霑曾以聖誕老人打扮示人,登台以及拍攝宣傳照。

今朝睇完陳劍青個post,腦海中湧現咗黃霑挖苦1997的聖誕歌裏面有句歌詞:買件油多都要話睇身分證(見文末)。

由民間辦學比警告,到獨立音樂表演被掃蕩,其實兩者都不見有甚麼政治性,表面上看來,實在犯不着喊打喊殺、拉人封艇。

但諗深一層,若果坐視你班友辦學、玩音樂,實際上係比咗一個自由的空間,可以係民辦的知識傳遞有落腳地,可以對抗官方的知識論述,又或者係音樂表演可以突破官方的規管夾縫,總之係比咗一班投其所好的人有聚腳嘅場合,就會有可能醞釀啲『政府唔想見到嘅野』。

廣告

防微杜漸,係管治者要介入私人領域的原因。而正如劍青個post 臨尾嘅結論:唔好以為一般人會唔關事。西環的漂書箱被清走,已經係一個例子,顯示政府唔係單止係針對特定的知識或表演群組,而係根本不喜歡庶民空間脫離掌控。

廣告

所以話,買件油多都要話睇身分證。呢個係文化戰爭,若果生活方式,係文化活動的基礎,咁政府亦都顯然易見係會根本地越管越好。香港人睇路。

同《皇后大道東》一樣,十年前,香港人仲覺得日子還算安穩不變;十年後,九七前的先見之明,已經一一應驗。

作者 facebook

發表意見