立場新聞 Stand News

質疑朱凱迪製造白色恐怖 梁福元:新界好和諧好融洽 肯定安全

2016/9/12 — 9:18

梁福元(資料圖片)

梁福元(資料圖片)

十八鄉鄉事委員會主席梁福元今早在商台節目表示,候任立法會議員朱凱迪長期對新界問題「長期嚟都有好多意見」,但新界有新界的條例、土地政策、傳統習俗,跟市區不同,朱凱迪可能不太了解,得罪既得利益、地主並不出奇。被問到是否認為朱凱迪真正受到人生安全威脅,梁福元說,「咁唔係嘅,香港好法治嘅社會,香港係好安全的地方…言語間的衝突就好多時都見到。」

梁福元稱,理解朱凱迪近日的動作「可能有佢嘅政治考慮」,可能覺得自己得罪好多新界人,希望得到保護,「整一個保護罩、防火牆」,「呢啲我哋了解」,「但唔好搞到香港市民認為,香港原來咁很恐怖,係咪製造白色恐怖,令到香港社會安寧受到影響,就唔應該囉。」

對於會否「拍心口」和朱凱迪擔保他情況安全,梁福元說,「我相信肯定喇,新界都好和諧,好融洽,土地擁有人或者住在新界嘅,都係城鄉共融,安居樂業。」

廣告

他指出,香港是法治社會,亦十分安全。

梁福元指出,若不是挑撥矛盾、挑釁別人等,正常溝通,絕無問題,「自己堂堂正正行去同人講,我相信沒有問題」,「但(朱凱迪)講完咁多挑撥矛盾啲嘢,講完又驚,我相信香港唔係咁樣。」

廣告

發表意見