立場新聞 Stand News

轟梁振英放棄高度自治 批葉劉朋友不多 田北俊 :若CY連任七一會有百萬人上街

2016/10/29 — 12:29

田北俊(無綫新聞片段截圖)

田北俊(無綫新聞片段截圖)

財政司司長曾俊華一句「天機」回應何時辭職參選特首,惹來無數揣測。直言有意為曾俊華助選的自由黨榮譽主席田北俊今日在電台節目,炮轟特首梁振英任內表現不濟,才要向中聯辦求助,但這樣做破壞了特區的高度自治。田北俊又指如果梁振英連任,明年七一回歸二十周年或會有一百萬人上街

田北俊說,「梁振英做特首之後,我哋高度自治的權,係佢自己放棄緊…佢搞唔掂立法會,就成日走去中聯辦,叫中聯辦出手。」

他認為,中聯辦也只是「被迫」,「因為行政長官廢廢地」,「中聯辦只是聯絡辦事處,唔係同你幫手做嘢,人哋人工又唔高,又咩理由做埋你個份。」他又揚言,如果梁振英連任,「2017年7月1日,20周年回歸,一百萬上街都唔止呀。」

廣告

他舉例說,港大副校長任命事件,認為梁振英因校委會涉人大、政協、立法會議員等,而「搞唔掂」去尋求中聯辦協助。他又指民意反映不滿梁振英,認為行政長官,應面對群眾,以及多與泛民溝通。

田北俊:葉劉冇朋友

廣告

早兩日有與參選下屆行政長官的退任法官胡國興食早餐,就政府提出有關宣誓風波的司法覆核溝通,認為事件影響三權分立,對香港傷害大,未來數年,法會亦難以運作,「佢(胡國興)話點解行政長官告立法會,叫法庭判,咁咪法庭大晒。我諗諗下又係。」

田北俊又評論,有意參選行政長官的新民黨葉劉淑儀,形容葉劉淑儀「恨到發荒」,田認為,葉劉多年來交的朋友不多,「有咩理由唔可以結交多啲朋友…組唔組到班呢?」。

田認為她難以組班,而且民望不高,反質疑她不用辭職就能參選,何以等到現在仍表態,「你點解要等千二人,如果我有咁嘅能力興趣去做,就我些要叫選選委,有咩理由等千二人?」

他又指出,新民黨新任議員容海恩是「渣渣地」的大狀,「咩都講唔掂,請佢打官司,不如慳返啲錢。」

 

發表意見