立場新聞 Stand News

轟梁振英「又呃人」 朱幼麟:報告冇寫女職員流淚不代表冇

2016/5/4 — 8:41

前全國人大代表兼立法會議員朱幼麟

前全國人大代表兼立法會議員朱幼麟

人稱「飛天朱」的前港區人大代表朱幼麟今晚將會舉行記者會,反駁行李事件引起餘波。朱幼麟今日在電台節目指出,至目前為止,所有已公開的報告均沒有交代,梁振英當日與國泰女職員在電話的對話內容,「一個字無都講過。第二,女職員有冇流眼淚,佢都無回答,佢剩係講報告裡面冇,報告冇寫不代表冇。」朱幼麟又反問,「點解女職員要䁥埋?點解航空公司要關照呢個女職員,唔要佢亂講話?係其他職員話畀我聽。」

朱幼麟指出,今日的記者會主要有三點回應,第一,愛國導演高志森形容當日在機場集會人士「癲狗」,「我要回應呢個言論,要講擦鞋不是愛國」。第二,香港只有成年人問題,沒有年輕人問題,「特別是一個成年人,大家知道。」

其三,他指出,要回應文匯報對他如同文化大革命的批評,「佢哋話我係大話豬,自取其辱」,「我話佢自取其辱,多過我自取其辱,(靜坐之後)起碼六十、七十行的報道,冇一行批評我,只得文匯報批評我,你話佢係咪自取其辱?」

廣告

朱幼麟指,就行李事件,暫時未有更多資料披露,他會繼續收集資料,並會再聯絡國泰工作人員、空總等,了解當日與梁振英對話的女職員是誰,「我哋唔可以接受有一個香港人,因為恐怕特權,而唔敢講真話。無一個香港人應該受咁樣的威脅,一個都唔得。」

他又說,要借用唐英年金句「你呃人」,「你(梁振英)又呃人喇,飛機場事件,他(梁振英)令全香港人失去信心,一個公職人員失去信心,我覺得佢冇資格做公職人員。」

廣告

發表意見