立場新聞 Stand News

【逃犯條例】強調法庭非「把唔到關」 鄭若驊:移交逃犯要有表面證據

2019/4/3 — 13:36

政府建議修訂《逃犯條例》,草案今日首讀和二讀,律政司司長鄭若驊今日見記者為修例解畫,指「有啲說法,好簡單話法庭把唔到關」,但事實上法庭可以決定移交申請不成立,亦有相關案例;法庭決定時亦要考慮移交申請是否有「表面證據」,「又有啲人覺得好容易,求其咩都可以係表面證據,呢個係唔啱」,移交要成立等同到香港法院起訴,法庭了解控方證據後,「覺得辯方需要答辯,有 case to answer,咁先叫表面證據」。

鄭若驊在立法會見記者,先詳細解釋移交申請的程序,指若有地區提出移交逃犯,先會由律政司研究對方提文的文件,之後建議行政長官啟動程序,或因證據不足不再跟進,在保安局拘捕涉案人後會交到法庭,疑犯「絕對有權係喺香港法庭,提出佢嘅主張,佢好多時可以聘用律師,所以並唔係好似有啲說法,好簡單話法庭把唔到關」 ,強調法庭可以「睇文件」,聽取律政司和涉案人的陳詞,才決定移交是否成立,「亦都係有案例不成立,呢個人會即時釋放」。

她又強調整個程序先由律政司審視,行政長官決定是否啟動,法院有公平審訊後行政長官再發出移交令,「把關唔係行政長官一個人話曬事,絕對不是」;鄭若驊又解釋,法庭在事件中的角色和把關,「佢要考慮係咪有表面證據」,不是部份所指「很容易」。

廣告

被問到如何評價大陸的司法制度,是否足以令人放心移交逃犯,鄭若驊就稱不評價其他法域的做法是「常見慣例」。
 

 

廣告

 

發表意見