立場新聞 Stand News

連儂隧道再遭破壞ㅤ大埔居民的現場觀察

2019/7/19 — 13:03

圖片來源:作者 Facebook

圖片來源:作者 Facebook

【文:連桷璋 Dalu(大埔居民)】

編按:大埔「連儂隧道」今日(19 日)凌晨再遭數百人破壞,牆上告示貼和標語被撕毁,改貼建制派集會宣傳海報,入口並貼上「壽終正寢」大字。大埔居民連桷璋(Dalu)在其 Facebook 專頁寫下昨晚所見情況。

總結下:

廣告

頭先凌晨兩點左右有至少四架旅遊巴載住一群白色衣著人士,戴住口罩,有中年男女,亦有大量十幾歲青少年嚟咗大埔連儂隧道。

今晚一直都流傳會有人嚟搞事,個心囉囉攣所以落嚟睇下。嚟到行咗一圈之後就見到佢哋嚟,因為唔知佢哋目的係咩,所以一見狀就隨即同一班在場街坊同義工朋友離開咗隧道。

廣告

白衫人逗留咗大概半個鐘後,開始從各方散去,大部分主要上返旅遊巴,而有十幾二十人就好似唔識路咁行咗去通往廣福邨嘅林村河旁小徑,行到路中間停低咗。

連儂隧道內大部分保護 memo 紙嘅膠紙被撕咗落嚟,而 memo 紙就被一式幾款嘅傳單用膠水覆蓋,傳單內容主要係宣傳 7 月 20 日嘅集會、泛民議員、何韻詩及蔡英文等人嘅黑白照,而隧道通往港鐵站出口位置則放置咗幾個花牌,「連儂隧道」名字被換上「壽終正寢」四個大毛筆字。

根據在場各方嘅描述,白衫人士有以下特徵:
1. 嚟隧道時全部帶上口罩
2. 大部分唔係講流利廣東話,甚至有街坊聽到佢哋用普通話溝通
3. 有街坊聽到佢哋散場時講聽日會俾錢佢哋($300-$500 不等)

而喺旅遊巴離開之時先開始陸續有警察到場了解,部分警員配有圓盾及手持警棍。事後警員圍住幾堆由牆上拆下嘅物品同埋膠水筒等雜物同架起咗封鎖線,有幾個警員駐守住,全條隧道仍然通行,今晚情況大致係咁。

圖片來源:作者 Facebook

圖片來源:作者 Facebook

圖片來源:作者 Facebook

圖片來源:作者 Facebook

圖片來源:作者 Facebook

圖片來源:作者 Facebook

圖片來源:作者 Facebook

圖片來源:作者 Facebook

 

作者自我簡介:大埔青年,曾任職廣告公司助理創作總監,受社會氣氛影響而毅然決定投入社區工作,現為積極參與區內事務的大埔居民,致力推廣社區互助精神,希望透過資源再分配、活化社區等活動,發掘大埔的更多可能。

(標題為編輯所擬)

發表意見