立場新聞 Stand News

選舉將至,游說建制親友的 5 大招式!

2016/8/31 — 19:28

四年一度的立法會選舉本星期日舉行,最後幾日,街頭巷尾,家家戶戶都在討論投票意向。

根據毫不科學的民調顯示,每個人身邊總有幾個建制親友。佢可能是你父母,阿爺阿嫲,六嬸三太公;佔領期間,你可能同佢哋吵過大鑊,但關鍵時刻,你覺得應該要再試下游說他們,但又苦無方法?以下五式「孫仔兵法」,總有一招用得上 — 只要你願意。

第一式:為咗你好

廣告

要游說建制親友,最忌離地。什麼民主,什麼普選,什麼自決,什麼本土,很重要,但可以容後再談。選舉臨近,最重要是讓他們知道,投/不投某某候選人,有何利益/禍患。這些利益/禍患,最好當然是貼身。

譬如,你可以問問父母,「知唔知點解我成日遲放工,陪唔到你哋食飯?」然後亮出一張立法會「立法規管工時」議案表決紀錄。看看有哪些建制候選人當日反對/棄權議案。「就係因為佢哋!」

廣告

「阿媽,如果想我多啲返嚟食飯,唔好再投票畀佢哋喇。」苦口婆心 mode,打動媽媽。

 

第二式:民主乖孫

建制派最擅長向長者入手,打動蛇齋餅糭各樣福利,使出掌心雷、輪椅等秘密武器,確保老人家選票投向中共一方。身為孝子賢孫,你有能力扭轉局面。

投票日,一早探望家中老人,帶他們飲早茶。如果是住老人院的,更要及早探望,以免他們受人影響投票。除了慰問老人家,更可以跟他們談談立法會投票意向,簡介支持建制派的禍患,讓公公婆婆一同做醒目公民。

「嫲嫲,以後蛇齋餅糭我買畀你食!不要食建制派的,更唔好投票畀佢哋!」

 

第三式:倒票落海

大家身邊總有些親友,意志堅定,保守非常,非建制派、保皇黨不投。面對他們,又怎麼辦?辯論,傷和氣,吵架收場;那麼,不如另闢蹊徑,游說他們將選票投給無望當選的建制派?

沒錯,滾動民調的確不太可信,但如馬嶽所言,民調中長期大落後的,多少反映現實中,他們真的當選無望。游說建制親友前,先在各區圈定一兩個當選無望的建制派候選人,努力從親友的角度,想想你打算「推薦」的候選人,有何吸引之處,非投不可 — 譬如:「阿叔,你咪好撐警察嘅,呢個候選人成日出來支持警察架!」

總之,就嘗試浪費建制派的鐵票,務求各區尾席落在非建制候選人手中。

 

第四式:入屋助選

距離選舉只餘幾天,怎樣勸說家人對方也不聽?行動勝於一切。將心儀候選人的嘜頭、海報,貼在家中當眼處。至少阿媽入來執房,怎也看得見。WhatsApp 頭像,都可以改埋。

未夠有效?報名為心儀候選人做義工吧,父母見平日總是賴床的你,大清早準時出門為候選人企街嗌咪,或大惑不解,或另眼相看 — 你的游說機會來了,飛雲!

「媽,我好少咁認真做一件事,但係!今次,我真係好支持呢個候選人,因為……」

做義工的好處是,你可以趁機叫家人來街站探望(或者話自己漏咗嘢,叫佢哋帶畀你)。這時候,可安排親友去同心儀候選人握手、交談,留下良好印象。

 

第五式:一齊投票

很多人不太關心政治,投票意向亦不太堅定。昨天答應了投非建制派,明天路過民建聯街站,也可以改變主意。既然如此,就要盡量縮短家人有可能受外界影響的時間。

「阿爸阿媽,我哋一齊去投票啦。投完一齊食飯!」

投票當日,不要丟低他們,全家一齊投票,路過建制派拉票街站時,拉著家人火速走過,途中附送兩句建制派禍害。全家去票站的好處還有:排隊時有講有笑唔怕悶,投票前再三提醒家人,離開票站後享受周日家庭樂。

總之,將家人「不小心」投票給建制派的機會,減到最低最低。

發表意見