立場新聞 Stand News

選舉後接受專訪 曾蔭權:土地開發是最大樽頸 政府要接受市民批評

2016/9/7 — 10:27

立法會選舉剛結束,前特首曾蔭權即罕有地接受《am730》專訪,回想在任期內,因應市況停止定期賣地,連帶新地皮的開發亦不再積極,「依家回想嚟睇,都要積極、積極開發新嘅地皮。」對於現任梁班子不時歸咎土地問題是上屆政府遺下的問題,他回應指「任何批評都係出於誠意,都係公平嘅!」

不過,曾蔭權指,開發新地皮有不少困難,不能「移山填海」,要爭取地區和環保人士的支持,「真係好艱難去搵新地!」他形容土地開發是「最大樽頸」。「回想起嚟,每個政策都有好處、有壞處,人哋嘅批評你都要接受,有啲係啱,有啲冇咁準繩都未定,但市民批評你要接受!」

對於梁振英上台4年不斷引發爭議,曾蔭權指,每位特首都面對不同挑戰,「好多嘢灰色嘅,而且環境又唔同,唔會感覺上因為我做就唔同,根本掌握唔到所有資料,你都唔知人哋做得對抑或唔對」。曾蔭權指,與太太外出時,都會有市民主動前來握手表示支持,「尤其係知道我有啲苦況,(他們說)我都支持你呀!」他對此表示感恩。

廣告

而前政務司長許仕仁因新地案而身陷囹圄,與他相交多年的曾蔭權,曾為許仕仁撰寫求情信。曾蔭權形容許仕仁是其終生的好朋友,更重提當年亞洲金融風暴時期,彼此聯手打「大鱷」,「唔係靠佢(許仕仁)同埋任志剛兩個人嘅扶持,我自己做財政司長時好艱難做出一個、我覺得係極之困苦嘅決定,而經過一個幾辛苦嘅過程,先克服到當時嘅危機,呢個功勞佢係不可滅嘅」。

曾蔭權於2012年卸任後,被控公職人員行為失當罪,案件將於明年開審。

廣告

發表意見