立場新聞 Stand News

選舉 就係用選票分配資源

2016/8/30 — 15:49

2016年9月的立法會選舉,非建制派候選人競爭極大。

2016年9月的立法會選舉,非建制派候選人競爭極大。

(原文刊於作者 facebook

講得再白啲:

選舉係用選票分配資源。

廣告

你想香港點走-港獨好、修憲好、一國兩制好、又傾又砌好、回歸大陸好-就用你(同你親戚朋友們)嗰票去決定。

對我嚟講,我堅定不移咁深信香港係年青人嘅,佢哋喺議會、喺社會應該有更多資源、聲音同力量,畀佢哋有份參與一啲影響佢決定。

廣告

如果今次青政同其他後生嘅(包括羅冠聰)有一席或更多,將會鼓勵到更多年青人身體力行,投身政界;否則,全軍覆沒,只會更多人甘願做一世鍵盤戰士。

就係咁簡單。

---

如果要用經濟學解釋,大概係咁:一個社會或個人分配資源,從來係睇機會同成本。你搞社運叻,但如果做金融搵得仲多,你最終都係會去做金融。呢點解釋咗點解咁多學生讀大學嗰陣去搞社運而佢哋一畢業就完全唔搞-做學生時嘅機會成本低得多。又或者,得罪講句:搞社運嘅人,好多都係second-tier嘅人。點解?有能力嘅都去投身商界,搵真銀去了。

以前嘅人、亦即係而家嘅黨派大佬,大多係有份正職,然後分身做議員。現況係:年青人搞社運,幾乎等同做義工......同監躉。

我對今次選舉嘅睇法係:要畀後生知,你搞社運,有回報,你唔使淨係一咪搞金融、搵錢,投身政治,一樣可以有錢搵。希望吸引到有能嘅人加入社運圈,唔好再停留喺鍵盤前面打飛機。有資源,佢哋先可以建立同完整自己嘅一套主張。

係咪好市儈、好功利?係呀!點解你要預期搞政治嘅人一定係免費或者收好少錢?如果你相信搞政治係一門專業-which is NOT the case in Hong Kong now(啲人只係兼職議員),點解佢哋收十幾萬係多?搞政治唔使食飯?後面成個團隊支持你,大嘅唔食、細嘅都要食呀嘛?

無錢,邊個幫你諗計當你獨立建國嗰陣,一大抽民生政治經濟社會財政法律問題點解決?

維持現狀,老人政治,大勢已去。

未來,係年青人嘅。

發表意見