立場新聞 Stand News

拒答警員何時到場ㅤ元朗八鄉指揮官:頭先咁亂,點有機會睇錶? 未拘捕任何人

2019/7/22 — 3:26

圖片素材來源:rthk片段截圖

圖片素材來源:rthk片段截圖

元朗昨晚有白衣惡煞在元朗西鐵站外群毆記者及市民。市民投訴報警後,遲遲未見警員執法,有港台記者事後向在場警員查問遲遲未見警員到場原因、以及警方到場時間。元朗區八鄉分區指揮官李漢民回應時向記者稱:「遲唔遲呢,我唔知…我睇唔到錶呀,Sorry呀!」他又承認,據他所知,未就元朗群毆事件,拘捕任何人。

元朗站內群毆事件之後,大批警員在元朗站對開駐守,一名香港電台女記者上前向警員查問,「阿Sir 想問你哋點解咁遲先嚟?」

元朗區八鄉分區指揮官李漢民稱,「遲唔遲呢我唔知,我哋係收到call先嚟嘅。」記者隨即問何時到達,李回應:「我睇唔到錶呀,Sorry呀!妳見唔見到頭先都幾亂下㗎?見到㗎可?如果見到你就知啦,我哋點會有機會可以睇錶呢?」

廣告

李漢民承認,據他所知,未有拘捕人。記者又追問,為何沒有拘捕任何人士、以及為何事發時一個警員都沒有。李顯得極不耐煩,「你唔好質問我先啦!」記者稱只是詢問,並非質問。

李一度稱不會回應單一記者問題,記者問是否需要全部傳媒到場才回應,又稱「唔通你叫晒佢哋落嚟,我驚咩?」李又向記者稱,「你咁樣係唔會令到我驚㗎!」

廣告

港台片段:

發表意見