立場新聞 Stand News

區議員背景調查報導系列:邊個提名 689 ? 地區問題,阿爺話事

2015/7/13 — 18:18

上回提到,區議員其實好鬼政治,不但可以參選立法會,仲有份提名特首。以2011年特首選舉為例,就有168名區議員身兼選委會成員,其中52人更加提名咗梁振英做特首。

呢52人大部分來自選舉委員會(即係日後嘅提名委員會)嘅區議會界別 (呢個界別嘅選舉委員係由區議員互選產生),但都有啲人係用其他界別嘅選舉委員身分提名689參選,例如南區區議員麥謝巧玲係教育界別委員、沙田區議員龐愛蘭就係衛生服務界,葵青區議員羅競成、荃灣區議員陳振中,以及元朗區議員張木林就係屬於漁農界。

廣告

有啲區議員雖然冇份提名,但有份拉票造勢,例如為689助選嘅觀塘區議員鄧咏駿,灣仔區議員伍婉婷甚至呼籲市民食「梁粉走唐」,真係撐到出面

事後689當然有好好「答謝」呢班提名人;北區區議會主席蘇西智獲頒授銀紫荊星章、離島區議會副主席周轉香、西貢區議員凌文海以及黃大仙區議員黃金池都獲頒銅紫荊星章,頭先提及嘅伍婉婷亦都獲頒榮譽勳章;至於鄧咏駿同北區區議員劉國勳就被委任成為最新一屆可持續發展委員會嘅委員。

廣告

當年瞓身支持689嘅劉國勳曾經講過:「奸奸哋,只要是維持社會正義,令政府運作順暢,我覺得不是問題。我覺得有時候需要一種必要的惡,就算他很奸,但最終結果出到來是好的話,我仍然覺得值得支持」正所謂「政治事.政治了」,事實證明689係造成政府運作不順嘅元兇,呢班當年為689「抬轎」行「必要之惡」嘅區議員,係咪需要負上支持689嘅政治責任,票債票償呢?

 

提名689的區議員名單:

中西區 

陳捷貴議員, BBS, JP 李志恒議員 盧懿杏議員 

東區 

黃建彬先生, MH, JP 龔栢祥先生, MH 陳靄群女士, MH 周潔冰博士, BBS, MH 鍾樹根先生, BBS, MH, JP 洪連杉先生 郭偉强先生 楊位醒先生, MH 

南區 

麥謝巧玲女士 九龍城 蕭婉嫦女士, BBS, JP 楊永杰先生 

觀塘 

蘇麗珍太平紳士, MH 陳國華先生, MH 柯創盛先生, MH 洪錦鉉先生 

深水埗區

陳鏡秋先生, BBS, MH, JP 陳偉明先生,MH 林家輝先生, JP 

油尖旺區 

陳少棠議員, MH 黃舒明議員 黃大仙 黃金池先生, BBS, MH, JP 

離島 區

周轉香女士, BBS, MH, JP 李桂珍女士, MH 鄧家彪議員, JP 

北區

蘇西智先生, SBS, MH 溫和輝先生, MH 黃宏滔先生 劉國勳先生, MH 西貢 凌文海先生, BBS, MH 溫悅昌先生, MH, JP 

沙田區 

龐愛蘭女士, JP 鄧永昌先生 余倩雯女士 鄭楚光先生, MH 

大埔區 

李國英先生, BBS, MH, JP 荃灣 陳振中先生 文裕明先生,MH 

屯門區

李洪森先生, MH 徐帆先生 陳雲生先生, MH, JP 古漢強先生 

元朗區

蕭浪鳴先生 邱帶娣女士, BBS, MH 張木林先生 李月民先生, MH

 

發表意見