立場新聞 Stand News

邊個發明了「階級鬥爭」

2015/3/25 — 11:49

【9olitics 編按:多謝秋北哥同工聯會,大家繼續返工準時,放工例遲,人工廿年唔升。只要有父幹,終有一日可以捱出頭!】

香港人講起「階級鬥爭」就驚。乜嘢係階級鬥爭?好多人會話:文革囉、大躍進囉、四人幫囉、跪玻璃囉。其實,依啲係毛澤東嘅個人權力鬥爭,多過係真正學術上講嘅「階級鬥爭」。

要數香港嘅「階級鬥爭」,其實多數係老闆或政府發動!例如,2004年政府撤銷了租金管制,令業主可以隨意大幅加租,趕走租戶,再變成劏房。這是政府及業主聯手向租戶發動「階級鬥爭」,逼窮L捱貴租。

廣告

例如香港1997的金融風暴後,老闆及政府都向打工仔開刀,將大家人工大幅壓低,以及大幅裁員,此舉就係肥上瘦下,絕對係政府向打工仔展開「階級鬥爭」。

香港打工仔點解人工咁少,工時咁長,生活咁慘?其實就係因為我地打工仔階級,與老闆階級嘅「階級鬥爭」上面好多時都係輸,令到政策上向哂老闆傾斜。香港嘅打工仔嘅「階級鬥爭」幾時有贏過?印象中就係得「最低工資」、「紮鐵罷工」、「碼頭罷工」。

廣告

講起兩年前「碼頭罷工」真係J死人。近400名工人唔滿意李老闆長期嘅低薪剝削,要連續工作48小時。所以就團結罷工40日,以非暴力抗爭。最終公司在罷工以及社會壓力下,終於加了9.8%人工,而上年亦加了10%。

打工仔真係要再團結啲先可以贏到「階級鬥爭」架。


文:慾王大帝

原刊於作者 facebook

發表意見