立場新聞 Stand News

邏輯錯亂 謬誤連篇 這就是中聯辦的法律專家

2016/9/22 — 20:13

王振民(資料圖片)

王振民(資料圖片)

「關心」與「插手干預」兩個這麼簡單的概念都分不清。這就是中國的法律專家,還要說是基本法的權威。

如果沒有了「一國兩制」,損失最大的肯定王振民這一類人。過去這麼一段長時間,王振民這類人就是打的「基本法專家」的招牌,就算未加入中聯辦之前,已經在中港兩地之間飛來飛去,呃飲呃食!

廣告

說中聯辦絕對不會做不乎合一國兩制的事及違法的事。不過,在背後操縱選舉,干預立法會事務,難道可以說是符合一國兩制?難道可以說不是明目張膽違反基本法?難道這不是很簡單的邏輯?為什麼這些所謂基本法專家總是看不到?或假裝看不到?難道這一類人會以為香港人都蠢得看不出來?

說責任所在就不得不做?基本法那一條容許中央機構干預香港事務?除了國防及外交,香港的內部政治、香港的議會選舉、關你中聯辦咩事?爆了格還說有責任這樣做?這跟中東及印度那些強姦犯,侵犯人之後還說有責任娶佢做老婆、跟手仲要攞埋嫁妝費有乜分別?

廣告

以子虛烏有的所謂「責任」,變成自己為所欲為的藉口,這是典型的強盜邏輯、海盜邏輯、共產黨邏輯。

說海外很多機構及團體都關注香港的選舉、干預香港的選舉?不要「空口放臭屁」,拿出證據來。如果真有其事,香港人也不會就此算數。

好了,當你講的真有其事,真的有海外團體干預香港選舉,那是不是中聯辦就可以依樣葫蘆,明明是違反基本法的都去做?有人偷竊,中聯辦就可以去殺人?

「香港亂,中國只是損失萬分之一」?現在不斷搞亂香港的罪魁禍首,令香港無法建立一套合理制度的,正是中共及中聯辦這一批鷹犬!

七百萬人在香港搞民主,就可以破壞中國大陸的民主發展,令中國大陸不敢搞民主?搵嚟講啦!睇吓解放之前中共啲高層講過啲乜?知唔知有本書叫做「歷史的先聲」?反口覆舌,一時一樣,做山賊的時候就要反封建、反強權、大大聲爭民主;坐咗江山,就最封建、最强權、最反民主、最暴政、咪又係共產黨!王振民呢D傍住共產黨搵食嘅小僂儸,講少句扮唔知,我都費事篤爆佢!扮得專家為暴政代言就要預咗俾人抦!

返去睇吓基本法,睇吓回歸過渡期嗰啲文件,重溫番當時領導人作出過嘅承諾,根本就冇得拗。講咗嘅嘢唔算數,一再欺騙港人,一再推翻自己嘅諾言,咪正正係共產黨!咪係呢啲共產黨嘅狗官囉!

算啦,正正經經承認一個事實,就係共產黨唔識講道理、唔會講道理,講親都只會是偷換概念、邏輯混亂、謬誤百出。咪坦坦白白囉,中國共產黨依家要槍有槍要炮有炮,仲使乜同人講道理。老子依家有權,吹呀?

冇問題㗎,香港社會大把俊傑!反正都係茹毛飲血、返祖吃人嘅洪荒怪獸,着晒西裝打晒呔都冇用,還不只是一隻用文明包裝住的走獸。所謂「五千年文明」只係一張呃得吓人嘅包裝紙。不過,如果入邊嗰啲係垃圾,吹得幾好最終都會俾人睇穿。王振民這類人,腦子裡的肚皮內的,都是廢料。

讓王振民這樣的貨色,代表共產黨在香港向香港人指點江山?有冇第二個賣相好D嘅?

 

原刊於作者 facebook 

發表意見