立場新聞 Stand News

【醫委會改革】梁家傑:我立足於,病人、病友和病屬的立場

2016/7/10 — 17:23

梁家傑 (朝雲攝)

梁家傑 (朝雲攝)

【 文 / 圖:朝雲】

(9/7 公民實踐培育基金)

問:醫委會改革二讀,公民黨兼投支持、棄權、反對票,惹來非議。為何會有此舉動?

廣告

梁家傑:四位議員都投贊成。

二讀不等於三讀;二讀支持不等於三讀支持。我知有批評謂「三讀時先反對做樣啫」。

廣告

但我作為民選議員,過去12年接過好多醫療事故或失誤,病人和家屬的投訴。

我在商台節目便問梁家騮醫生,要做出成績才能自律,唔好有負香港人。過去15年累積超過900個案, 梁家騮到依一刻,都冇提出一套完整,有頭有尾嘅改革。我地點樣平衡,病人、醫療事故受害者與家屬的權利?點樣係自主自律間作平衡?

我對梁家騮說,香港人基本上好信醫生。但我係網上睇到一啲不負責任討論。點解你地(醫生)唔出嚟撥亂反正?反而好似借嚟用,咁係咪有啲取巧、投機?是否進一步有負香港人?

我地的確處於兩難。跟進法案委員會的人都知道,我由始至終,都立足係病人、病友和病屬的立場,一直希望可以改良投訴機制。但醫委會的制度好奇怪,委員身兼兩項權力,除了處理投訴,亦兼負其他職能。

當然後期亦有聲音,可以一次過大改。但會牽涉到其他職能的自主,我覺得唔成熟。尤其香港已經成為二元分化到極致的社會,唔係講道理,而係講立場;只知攻訐而沒有包容。

係依個環境下操作,好容易用煽情嘅嘢不斷動員,但我不希望理性嘅社會咁做。我未放棄過努力,希望透過梁家騮醫生同業界講,你地應該做一啲不負香港人嘅行為,令我地真係可以撐你。

我以病人、病屬為本位,唔會視條例等同於23條。係醫生未去撥亂反正、未有完整論述爭取支持前,我地係唔係用哂一切所能,拖垮病人病屬等左十五年,改革嘅第一步呢?依個就係兩難之局。

*   *   *

問:到三讀全體委員會‍,郭家麒的修正案幾無可能通過分組點票。當郭家麒的修訂全遭否決後,公民黨會如否如楊岳橋最新的影片所言,盡力阻止議案?

梁家傑:如果要避免網絡的責難,我地只須要全投反對票,因為四票對結果沒有影響。但我地跟自己邏輯同原則行事。

我地希望進入委員會階段,有無限次發言,希望梁家騮議員積極參與,我就可以同梁醫生辯論。我會提出上述論點,亦希望聽到梁醫生的答案,到最後要爭取的,終究是香港人支持。

*   *   *

問:然而如無意外,公民黨的修訂會全遭否決,到時公民黨將如何處理?

梁家傑:否決。三讀時我地會否決草案。

*   *   *

問:楊岳橋在最新的影片說,他願意「積極發言」,阻止草案通過。畢竟對公民黨而言,此法案亦未符理想。請問公民黨整體的意思係點?

梁家傑:我希望係我地做決定前,能夠從醫委會、醫學會、梁家騮醫生口中聽到,究竟佢地如何係香港人眼中顯得長進;能夠處理好香港人,尤其是病人病屬的對投訴機制的責難。

因為佢地已經放軟手腳好多年,到最後祭出梁振英依支旗,加上網上有好多我認為不負責任、煽情、滾動的動員。

我仍然好希望,係二元分化、兩極的社會中,大部分人只講立場,不講道理的時候,我可以堅持講道理,為病人、病友、病屬做一啲嘢。

發表意見