立場新聞 Stand News

「釋法」陸續有來 中共「食法」從來一貫如此

2017/8/7 — 11:34

基本法、全國人大常委會副秘書長、香港基本法委員會主任李飛、全國人大常委會會議資料圖片。

基本法、全國人大常委會副秘書長、香港基本法委員會主任李飛、全國人大常委會會議資料圖片。

李飛說:中央對港政制發展絕不退讓,日後釋法必不可少。
意思即係承認,所謂「釋法」根本就不是釋法。
其實,咁唔可以叫做「釋法」,應該叫做「食法」。
即係同「食言」一樣意思,將法律寫明嘅嘢,都反悔,都食咗落肚!
即係共產黨想點都得。

預咗啦,中共一向無法無天!
嗰本「歷史的先聲」,我早就睇晒!
共產黨講過嘅嘢,有幾多在執政後履行承諾?
有乜好呦?
夠膽可以叫特區政府大量印刷此書周街派!好似派「基本法」一樣。
夠膽叫新華書店大量印刷,全國發行!
敢嗎?

李飛的講法,證明基本法根本係廢嘅!
當年班起草委員及諮詢委員根本就係白做!
可能早就預咗當係做場大龍鳳俾人睇。

廣告

最好笑係當我寫完呢啲嘢,表明好多香港人,包括我自己,都睇得穿這些是甚麼把戲的時候,有人就會作出如此留言:

「那麼,請你出馬救世界吧!發空炮,有何用?」

廣告

「世間何曾真公平?有千足金嗎?」

「…不可能永遠生活在過去。告訴我,這與深宮怨妃有什麼分別?駡駡駡,怨怨怨,可以改變什麼?真有本事,就由你取代所不滿的政治體制吧?」

佢好似已經睇穿這個世界的本質,還是造成更多更大不幸的犬儒?
邏輯就如:「反正俾人強姦,何不期望有高潮」。

這種水平的留言,根本不值一哂。本來就不值得回應,也不打算回應。

不過,知道李飛有此說法,借此機會,一併引述供大家鑒賞。

共產黨可以如此無法無天,特區政府所以越來越墮落,作這一類留言的人,或泛指會作這一類留言的其他人,都有不能推卸的責任。

 

原刊於作者 facebook

發表意見