立場新聞 Stand News

銅鑼灣連儂牆派發 Memo 紙的兩名年輕人

2019/7/14 — 13:41

銅鑼灣波斯富街行人天橋的連儂牆(作者攝)

銅鑼灣波斯富街行人天橋的連儂牆(作者攝)

電車上看連儂橋

電車上看連儂橋

廣告

銅鑼灣波斯富街行人天橋,是遊行攝影熱點,自星期二開始,成為半透明連儂牆通道。

中學生 N 小姐與大學生 M 先生在派發 Memo 紙。

廣告

你倆人本身認識嗎?
M:「我哋本身唔識,只不過住附近,放暑假時間又多,所以經常過嚟。」

幾時建立這塊連儂牆?
N:「星期二,有人開始貼 Memo,加上連登 TG 宣傳,越來越多人嚟貼。大部份都係香港人,間中都有大陸人望下。」

有無遇上滋擾?
M:「好彩未試過,間中有一兩個藍絲嘈下,可能呢度人流多,未發生類似油塘或大埔嘅情況。不過我諗就算遇上滋擾,我哋都會離開,唔會同佢嘈,反正隨時可以再貼過。」

連儂牆有甚麼意義嗎?
N:「上街遊行或參與集會,消耗市民太多時間體力,唔係人人都可以咁奢侈付出。連儂牆可以滲入社區,俾大家宣洩情緒,同時軟性宣傳五大訴求。」

有參與示威嗎?
M:「過去幾次都有,嚟緊沙田遊行都打算去,不過會再小心啲。6.12 見到警察亂咁開槍打人,凶神惡煞,我自己真係好怕受傷被捕。」
N:「6.12 見過警察清場,我驚到喊,喊完返屋企換衫想去支援示威者,已經係開槍清場,唔想屋企人擔心,最後無去金鐘。」

警察近日行為給你怎樣的形象?
N:「我要努力啲讀書,即使考試成績唔好,都唔要讀毅進,唔想做差人。」

有無力感嗎?
M:「有呀,我大學同學朋友,大部份都唔關心政治,甚至覺得我多事。我好想令佢哋明白送中條例,但係自己又無本事令佢哋覺醒。」
N:「初初我同班朋友一齊遊行,一兩次後,佢哋唔再參與,寧願去玩,我開始覺得孤獨。」

為甚麼還繼續參與社運?
M:「出到嚟,會肯定到自己價值。大家三唔識七,唔知對方嘅名,但會互相關心,遇上好多志同道合,其實自己唔孤單。」
N:「就好似我留晌度咁,不時有路人送上物資,祝福鼓勵。晌度會感受到公民質素,人間溫暖。」

中學生 N 小姐與大學生 M 先生

中學生 N 小姐與大學生 M 先生

I am watching you 
and taking photos.?

I am watching you
and taking photos.?

 

(標題為編輯所擬)

作者 Facebook

發表意見