立場新聞 Stand News

曾反對撥款建大樓 鍾樹根今轉軚:若能返議會 支持撥款百億予港台

2016/6/27 — 12:40

自從不獲民建聯批准,在9月立法會選舉中排名單首位競逐連任,立法會議員鍾樹根動作多多,多次揚言退黨獨立出選。屢在立法會批評港台節目,又反對撥款60億元予港台興建新廣播大樓的鍾樹根,在今日播出的港台節目《早辰‧早晨》受訪時,卻一改口風,表示若來屆能返回議會,不論80億還是100億撥款,他都會支持。

他又自喻「有事鍾無艷,無事夏迎春」中的「鍾無艷」,隨時被民建聯「叮走」;至於早前受訪自比「瘜肉」,或者將被「切除」,今次被問到「你是良性定惡性,會否被切除」時,鍾樹根轉趨軟化地稱,「我諗可以黐返上去啩」。

鍾樹根在節目中,與主持羅啟新到區內大排檔煮食,鍾在炒即食麵時語帶雙關地笑稱:「翻兜?冇得翻兜㗎我哋!」又指他煮的是「殘酷一丁」即食麵,「隨時被叮走,冇得留低」。

廣告

談到與民建聯的關係,他坦言是「鬧緊情緒」,被問到是否像「兩公婆」般,鍾樹根立即很大反應地說:「我得閒同佢兩公婆!」但直言對黨有感情,「因為個黨由小到大,我哋都出咗好多力」。

至於是否覺得自己像「鍾無艷」,他指,「我係姓嘅,但係我個樣唔似鍾無豔,但條命就似似地喇!你做鍾無艷都要有價值先成為鍾無艷㗎,無價值喎,咁就最多(做)夏迎春㗎啫。」

廣告

再次被追問會否退出民建聯,獨立出選,鍾樹根稱,「冇勝算就冇資源,就算你點叻都唔得」,又指若可以叫支持者繼續支持他,選票「夠數」的話,就算不獲批准都會自己去選,但如果不夠票,就要「諗第二樣嘢」。對於近日活躍於互聯網,是否希望爭取年輕人支持,鍾笑指「試下水溫先得唔得呀?網上話支持你,唔係真係支持你嘅。因為網上嗰啲係嘻嘻哈哈啫。」

談到港台,鍾樹根自言是忠實聽眾,由70年代聽到現在,「我一嘢就話畀你聽,你嗰啲storage唔需要自己整個data centre,攞啲錢去租出面個地方嘅服務,留返嗰兩層嚟做你哋其他嘅嘢... 如果我仲返到嚟議會呢,我支持你哋80億,100億都支持」。

發表意見