立場新聞 Stand News

鍾樹根:香港電影唔合拍冇出路 咪反華反共反到傻咗

2015/2/9 — 20:35

立法會一個委員會,今日討論商經局屬下「創意香港」辦公室工作進度,民建聯鍾樹根狠批「創意香港」辦公室管理「電影發展基金」支援香港電影業時,沒有顧及大陸市場只推動「本土」,「你一定要諗,唔係好似啲議員咁反華反共反到傻咗,淨係自己搞」。

「你唔同大陸合拍,你邊有出路呀?美國荷里活都要賣大陸啦係咪先。人哋一齣戲渣啲都收過億啦,咁多個城市。香港個城市得幾百萬人,啲人而家都唔睇電影睇韓劇。你一定要諗,唔係好似啲議員咁反華反共反到傻咗,淨係自己搞。」

鍾樹根認為,電影作為藝術可注重本土,但若作為產業,「根本個市場就喺大陸……(本地)偶然一套話收得,都係幾百萬」,認為若只「玩本土」,商經局就應將基金交由藝發局處理,否則就應放眼大中華市場,「諗清楚,要食飯架電影界」。

廣告

翻查資料,過去數年口碑甚佳的「本土」電影,如《狂舞派》、《那夜凌晨,我坐上了旺角開往大埔的紅VAN》等,票房均以千萬計。

由商經局屬下「創意香港」專責辦工辦管理的「電影發展基金」,曾資助不少較「本土」的電影,包括羅啟銳《歲月神歲》及上述兩部千萬票房電影。

廣告

發表意見