立場新聞 Stand News

【閒聊】港大 ‧ 父子 ‧ 對話

2015/10/2 — 12:21

香港大學  ( 圖片來源:http://www.osu.org.hk/exco/ )

香港大學  ( 圖片來源:http://www.osu.org.hk/exco/ )

前晚食飯,港大校委會剛剛否決了陳文敏做副校的建議,以下是筆者跟我同樣是港大畢業的爸爸的一些對話。內容經斷章取義,斬頭去尾所得,加上我中英文都不好,記憶也有缺失,還可能加鹽加醋以達至節目效果,以下內容或跟實際的有一定出入,請當成純粹是個故事收看。

爸「點可以咁 shameless!」

我「依家既香港就係要咁先上到位嘛」

廣告

爸「真係估唔到班人可以咁無恥,明明成班社會精英......反而你一早睇到喎」

我「唔洗我睇啦,蘋果明報通街都寫晒會否決架啦。你話精英,唔係旨意果d李國章,紀文鳳,劉遵義老婆,王易鳴之流真係關心學術自由呀?連陳坤耀都比人列入反對果邊啦」(*王易鳴的易字上面應有草花頭,但我打不到那個字)

廣告

媽「我記得你以前幾欣賞 Rosanna 架,依家?其實佢一向都有d牆頭草架啦!以前我聽佢響立法局講野,講完一大輪都唔知立場係乜!」

爸「金刀梁我都識得架,依家變成咁」

媽「紀文鳳係咪你同學?」

爸「唔係,好似大我一兩屆」

我「都幾好笑,你識得入面咁多人,仲對佢地有幻想,反而我地依d街外人,一早就睇穿晒佢地只係聽中共話」

爸「唉,我都好失望。以前港英年代佢地要上位,我都算幫過佢地」

我「係囉,講起港英,其實左耳話咩去殖民化,我睇就冇需要勒,王易鳴、范太、譚惠珠、羅范,邊個唔係港英餘孽?依家幾聽話,應該話最聽話就係佢地」

之後新聞講馮敬恩爆大獲......

我「你頭先話王易鳴講野,聽完都唔知立場係乜,真係中左喎」

爸「咩擔心港大分裂,你地咁做咪搞到港大更加分裂囉!」

之後講到愛國的問題......

爸「其實你會唔會覺得自己係愛國呢」

我「睇你點叫愛國啦,我就真係越來越對中國冇信心」

爸「可能年代唔同啦,我地依代人始終都係信中國會進步」

媽「依家好多中國人都會出國讀書,遲d中國人實會有改變既」

我「外國高深教育又點,李國章係啦掛,咪都係咁。丫仲有,梁振英全家都英國讀書添。越愛國,越係去中國化呀」

最後加多兩句,是跟同事的對話......

同事「話時話,個洪丕正係咪都係師兄黎」

我「好似係」

同事「唉,拔萃真係出得多___ (兩個字,請自行填入)」

 

原刊於作者博客

發表意見