立場新聞 Stand News

關於成立獨立調查委員會的迷思

2019/9/5 — 13:54

【文:安先生】

睇完 777 今日又講點解唔成立獨立調查委員會,我想用一個新角度去講下,希望記者或大眾睇倒,可以試下咁問 777。
因為不斷再講監警會點廢,佢都只會繼續播帶,話法定、獨立、現行機制等等。

第一點:

廣告

2014 雨傘革命當時用香港法律去制裁犯法示威者、朱警司與暗角七警。

2019 反送中事件繼續用香港法律去制裁犯法示威者,但今次所有警察則以監警會處理。

廣告

777 口口聲聲話警察問題,體制內有現行機制處理,咁當年點解有警察接受香港法律而負刑責?
咁你叫坐監既朱警司與七警,情何以堪?人地當年都只係打示威者,踢傷人。但今日大量流血、大量骨折、甚至傷及器官等等。

警察問題,跳出跳入,佢個標準點定呢?

第二點:

根據 777 所講,如果體制內有現有機制就得。

我想問....

咁醫生工作時殺人,係咪用醫務紀律委員會就夠?(最多除牌)
咁議員開會時殺人,係咪由立法會主席按議事規則處理就得?(最多趕出去)
咁大學生學校殺人,係咪應該由大學處理就得?(最多停學或開除)
咁中學生如果校內殺左警察子女,咁員佐級恊會主席都唔駛擔心啦,學校訓導有機制會處理。(最多罰企、缺點、大過、開除)

係 777 話要用體制內有效既現行機制嘛,即使無法律約束力都可以嘛。

 

標題為編輯所擬,原題為關於成立獨立調查委員會。


 

發表意見