立場新聞 Stand News

關於「裝修」 國際社會從來不是鐵板一塊

2019/10/7 — 15:12

見到網上有大量關於「裝修」嘅討論,亦都提到國際輿論同本地抗爭武力程度既研判,甚至有網絡投票話「等過咗法案之後全線大裝修」。

只想同大家講,《香港人權民主法案》搞得嚟都應該今年年尾先會喺參眾兩院完全通過,仲未計假設法案順利通過,到底美國總統肯唔肯用《香港人權民主法案》制裁政府官員、黑警同埋選舉主任,都係未知之數。

畢竟,通過《法案》與否當然取決於國會,但執行《法案》與否最後都取決於行政機關架,同埋我之前都講過,習近平都擺明有打壓香港人權,但唔通《法案》過左之後,特朗普真係唔俾習近平入境美國咩……

廣告

眾志砌緊個制裁名單,亦都有駐華盛頓既常委,持續了解緊行政部門同國會機關既內部討論,大概肯制裁去到乜野級數既官員,我明白手足會有種「頂多一個星期」嘅諗法,不過《法案》實在唔係去到七日後就通過嘅狀況。

無錯,國際輿論好重要,而對於武力使用係有意見,華爾街或華府上流社會賢達,梗係最鍾意和理非商場唱歌同摺紙鶴,魔法呢類就唔多鍾意見到,但香港人用魔法都用左好一排,要割就一早割左,國際線我地會努力,策略部署可以繼續討論,只想講「國際社會」從來不是鐵板一塊。

廣告

(原文無題,題為編輯所擬)

發表意見