立場新聞 Stand News

陳健波批泛民:張華峰成個佛公,咁善良,搞佢做乜!

2015/2/3 — 14:30

立法會工務小組委員會繼續討論建制派議員申請逾期加入委員會的事項,目前有10多名建制派議員作出申請,但只有經民聯張華峰出席會議。有議員在會上質疑張是不甘泛民委員佔委員會大多數,才申請加入;建制派則批評主席兼公民黨梁家傑浪費時間處理逾期申請,並稱委員猶如「審犯」一樣對待張華峰。會計界陳健波更稱,「張華峰咁善良嘅人,你搞佢做乜鬼」。

泛民議員在會上質疑,大部分逾期申請的議都把責任諉於助理,並不公道,又指張華峰是因泛民佔委員會委員多數,才決定加入,為政府不同的工程項目「保駕護航」。張華峰重申,逾期申請是與助理溝通不足,又自言希望加入委員會,是作為新議員想「學多啲嘢」。

廣告

民建聯陳鑑林批評委員會浪費時間處理逾期申請,認為應該利用時間審議其他議案,又批評委員猶如審犯一樣對待張華峰,是不公義的做法。

「參加委員會係議員嘅權力,委員會按道理唔應剝奪呢個權力,今日更咄咄怪事,將議員要求加入委員會,當犯人咁審:幾時轉軚?幾時有呢個打算?點樣原因?呢啲根本喺過去從未發生過!只有呢一年度的工務小組,喺你領導下先咁。我應為人要善用自己嘅權力,而唔係濫用權力。」

「如果話人多而掌握晒所有議程,我鍾意點樣就點樣,咁實際上你係扭曲咗我哋議會應有嘅權力,我哋監察政府,我哋都要有『道』,有公義......今日議員只不過想參與政事,參與監察政府嘅施政,你都唔畀,用諸多理由想限制佢、想挑剔佢、想詆譭佢、想離間佢同職員嘅關係!咁叫做啱咩?」

廣告

陳健波甫發言便說,「張華峰議員一個咁善良嘅人,你哋搞佢做乜鬼!」張華峰聽後都忍唆不禁。

「張華峰議員已經成個佛公咁,同你哋道歉晒,佢想加入。佢真係想做嘢架喎!我最了解呢個人,佢真係個絕頂善良嘅人,亦都唔會同你搞咁多政治,佢係想做嘢架啫...... 唔好玩咁耐啦!我大把正經嘢要做,呢個會有好多嘢要批架嘛!你做返正經嘢啦!要咁做啲大龍鳳就冇意思囉!主席。」

委員會最終以4票贊成、3票反對,接納經民聯張華峰逾期加入的申請。

發表意見