立場新聞 Stand News

陳凱欣稱考慮參選 因被市民執樹打動 杜汶澤:究竟山竹吹得,定係你吹得?

2018/9/26 — 14:03

陳凱欣(蘋果動新聞片段截圖)

陳凱欣(蘋果動新聞片段截圖)

在昨日中秋節翌日假期時,宣佈積極考慮參加九龍西補選的食物及衞生局前政治助理陳凱欣,今天在網上論壇討論土地供應諮詢,facebook分享次數約70次,幾乎全是建制派團體在facebook內不同群組分享。陳凱欣昨天表示,因為見到南山邨街坊落力清理山竹吹襲後塌下的大樹,所以「打動到自己」去參與補選。藝人杜汶澤亦在網上發帖,指山竹「吹亂哂你啲邏輯喎!」

已經表明「積極考慮參選」的陳凱欣,今天中午主持一個網上論壇,討論土地發展,與會的嘉賓分別是土地供應專責小組成員王坤,以及中原集團創辦人施永青。從直播畫面觀察,這個「阿欣直播室」節目一直維持50至60人次觀看直播,至於曾經瀏覽人次則約2700多次。值得一提是節目有約65個分享,大部分都是建制派專頁如「新界社團聯會」、「理性撐國民教育」及「向香港警察致敬」等分享。 陳凱欣雖然是主持,但她在節目中亦有表達立場,例如贊成以「換地」形式開發郊野公園邊陲地帶。

「果刻真係好感動」

廣告

陳凱欣早已積極曝光和宣傳多時,但她昨天出席鄭泳舜的議員辦事處開幕禮,在高永文和鄭泳舜站台下接受傳媒採訪時,才首度表明參選意向,「其實我而家只係積極考慮階段,主要原因喺過去呢段日子,我諗特別係打風呢段時間,我以我自己身份去唔同區,求先佢哋先講,咁啱去到南山邨,亦都撞到好多義工。果時大家一齊呼籲,真係喺條街到呢,喺後面果個龍珠街果到呢,有棵好大嘅樹。」

見到一棵樹,又同參選有何關係呢?陳凱欣繼續發揮:「你會見到好多人呢都係好辛苦,因為見到好多樹都冧咗落嚟,但係大家都覺得一個人係搬唔走棵樹。但果吓係好感動、果刻真係好感動,我哋用咗成個鐘頭呢,係一個街坊叫一個街坊,結合咗個力量。我係呢件事亦係打動到自己,自己個人力量好有限,但係你見到大家都唔怕辛苦肯行走出嚟嘅話呢,我自己都諗吓係咪自己可以,憑著自己過往在傳媒工作嘅經驗啦、喺政府嘅的工作經驗啦,咁係咪可以喺呢段時間,自己考慮下自己係咪有能力參與呢次補選呢? 」

廣告

陳凱欣的邏輯,亦令到一向關心建制派動向的藝人杜汶澤有意見,他坦言:「睇嚟個風冇機會吹走你個每月廿萬嘅廣告牌,但吹亂晒你啲邏輯喎!畀個風吹到參選你都諗到?」他反問:「究竟係山竹吹得吖,定係你吹得先?」

發表意見