立場新聞 Stand News

陳凱欣:傳媒訪問陳浩天等同宣揚港獨

2018/11/21 — 10:54

陳凱欣,圖片來源:nowtv片段截圖

陳凱欣,圖片來源:nowtv片段截圖

立法會九龍西補選周日(11月25日)舉行,選前由now舉行的最後一個媒體選舉論壇,建制派唯一代表陳凱欣又有新奇言論。畢業於浸會大學傳理學院中文新聞系、有 14 年傳媒工作經驗、曾獲浸大傳理學院頒授「傑出傳理人獎」的她,在論壇中表示不會利用自己做新聞記者的平台宣揚港獨,又認為訪問香港民族黨召集人陳浩天,等同給予平台宣揚港獨。

當時為論壇第五節網民在facebook提問環節,由主持人代網民即場向候選人提問。有網民問如果陳凱欣今天仍為新聞記者,會否訪問陳浩天?陳凱欣這樣回答:「我唔會利用自己作為新聞記者,任何嘅平台去宣揚港獨,而陳浩天我哋很清楚睇到,佢係佢哋自己個組織裡面,佢宣揚緊嘅、包裝緊嘅,就係港獨。因為我自己係非常之覺得而家香港可以擁有好多嘅自由,係因為我們有基本法。」

陳:只要報道陳浩天新聞 仍有新聞自由

廣告

兩位本身是資深政治記者的主持,這時不約而同問到訪問是否等於宣揚?陳凱欣繼續答到:「你諗吓透過一個嘅平台,如果係電視就係透過電子傳媒嘅平台,你會問佢咩?如果你做傳媒,你一定會問佢點解你要宣傳港獨?咁佢宣揚港獨就會講返佢個番理念,咁咪宣揚緊港獨囉。」

廣告

主持再問作為記者可以質疑受訪者,但陳凱欣認為不足夠,「你可以質疑,但你作為記者,被訪者係咪會答你?當佢答你時候,其實你咪畀佢解釋點解佢會宣揚港獨囉,點樣包裝港獨囉。」主持就指這是收窄了新聞自由,因為原來有個人全部記者都不應訪問,陳凱欣回應指,「我唔會主動去搵佢做呢個訪問,但係當佢涉及新聞的時候,我照會報道呢個 .... 我哋大家都會有,我都見唔到 NOW 有訪問到陳浩天,但你有報道到陳浩天嘅消息喎,係咪?咁唔代表係無咗新聞自由,我哋有呢個平台報道相關新聞。」

陳凱欣不懂國歌誰人填詞

網民的提問亦曾引起陳凱欣另一個尷尬。有網民問她中國國歌由誰人作曲及填詞時,她只懂作曲的是聶耳,而填詞者,她就表示:「呢一刻唔好意思係答唔到」之前有網民問她對國歌法意思,她指法例希望市民尊重國歌。

另外在節目初段,主持人問她會否支持調查沙中綫沉降事件,她指如果在賠償之後,「市民如果認為問責都係仲未夠的話,我哋咪去調查囉。」主持再問其實賠償和調查並行不悖,陳凱欣表示同意,亦指自己會支持調查。但主持人這時再問「但支持你的人都唔支持調查呢件事」,陳凱欣回應「調查有好多種方法」,主持再她會否支持用特權法調查沙中綫沉降,她就答「特權法調查大家要知道,如果在我們現有,譬如我們在立法會的質詢或者所有嘢都做唔到嘅時候,呢個絕對係一個選項。」

發表意見