立場新聞 Stand News

陳章明:對2013年事件記憶模糊 日後會小心記憶的處理

2016/4/12 — 16:39

陳章明,圖片來源:無綫電視片段截圖

陳章明,圖片來源:無綫電視片段截圖

昨日履新平等機會委員會主席陳章明捲入國力學防醜聞風波,回應事件的說法又前後不一,被質疑講大話。他今日下午再晤傳媒,表示昨日回應事件時,「記憶模糊」,對自己「比較混亂嘅訊息」致歉,又稱事件與其平機會主席工作無關,希望事件過後大家可以回歸他的工作。

他在平機會大堂向守候多時的傳媒發言幾句後,對於記者提出「係咪講大話?」、「點解冇申報?」、「點解朝早同夜晚的講法差咁遠?」、「點解出嚟都唔回應提問?」等問題,完全沒有回應,便回到平機會辦公室內。

陳章明今日下午見傳媒時發言全文:

廣告

「其實就冇乜就補充,大家辛苦......其實就返噚日傳媒的報道,有關我指導一位博士生嘅報道,我已透過平機會作出咗聲明,冇咩補充。最主要我諗就係,事件呢...... 昨天朝早我被問及一個2013年嘅事情,其實成個註冊都係相當...... 都係2013年之前,所以個記憶都係模糊,而且個細節當然就係相當,嗯嗯..... 我有其他職務等等每年都要申報,所以就漏報咗。

所以喺呢度...... 喺聲明同嶺大同埋公眾作出道歉,咁我喺呢度亦都再次為我呢個比較混亂嘅訊息,再次同嶺大作出道歉,同埋向公眾道歉。

展望日後我會更加小心處理我嘅言論,同埋記憶上面嘅處理,日後喺呢個事件上我會專注多少少。喺今次嘅事件嚟講,我都想重申,同我喺平機會嘅工作冇直接嘅關係,所以希望大家呢,喺呢件事件過去之後,我可以歸返我而家嘅工作。」

陳章明日前被追問在嶺南大學任職時,替菲律賓太歷國立大學(TSU)擔任論文導師,陳本暗示曾向嶺大社區學院申報,以及沒有收取酬勞。惟至昨晚,平機會晚上發出聲明提到,陳未有就此向嶺大申報,陳「謹此致歉」,陳其後再透過平機會承認,收取港幣8,000元作指導論文費用。

廣告

發表意見