立場新聞 Stand News

陶傑:林作還年輕,海闊天空

2015/11/23 — 10:59

林作(左),陶傑(右) (youtube截圖)

林作(左),陶傑(右) (youtube截圖)

25歲大律師林作,出戰區議會選舉黃大仙龍星選區,挑戰現任區議員譚香文,最後以三百多票落敗,全力支持林作參選的著名作家陶傑,今早在facebook專頁回應結果,指林作還年輕,海闊天空;又指林作是「憑自己考入牛津的香港仔,唔通會受到中共嚴格思想控制」,強調沒有發現林作是隱形建制的跡象:

今日中午蘇格蘭聖安德魯(St Andrews) 海邊。

林作輸咗,不要緊,還年輕,海闊天空。

我識佢咁耐,搵佢做「Chink Eng Club」短片 Talk Show,做做吓,佢話參選區議員,咁我梗係支持啦。

跟住有人話,他是隱形建制。我並無發現這方面跡象,包括無發現大陸當局打本俾佢參選的金額。但我想睇吓,由彭定康做校監的牛津畢業生,冇錯,有一個來自中國的,佢阿媽在重慶殺咗個洋人。但一個憑自己考入牛津的香港仔,唔通會受到中共嚴格思想控制,認為廣場大媽舞好睇過天鵝湖,同埋會贊成梁振英向佔中學生開槍?如果係咁,不但有五百年歷史的牛津應該拆招牌,肥彭仲分分鐘係共產黨員添。

不過啱啱出道有兩千六百票,差三百,算係咁。香港似乎處於革命前夕的氣氛,民意應該尊重。年輕人要出多 D 聲,做多 D 嘢,明天的香港,始終係你哋的。

P.S. 有位網友講得精警:劍橋教出李國章,咁劍橋咪要拆招牌?

又係喎,不過咁咪證明我個「中國DNA論說」law?牛劍拆得,但我個招牌,應該喺番度啩?

今日中午蘇格蘭聖安德魯(St Andrews) 海邊。林作輸咗,不要緊,還年輕,海闊天空。我識佢咁耐,搵佢做「Chink Eng Club」短片 Talk Show,做做吓,佢話參選區議員,咁我梗係支持啦。跟住有人話,他是隱形建...

Posted by 陶傑 Channel on Sunday, November 22, 2015
廣告
廣告

發表意見