立場新聞 Stand News

青政新丁 中伏不知

2016/10/18 — 12:57

2016 年10 月12 日立法會會議宣誓儀式,青年新政梁頌恆、游蕙禎讀出英文誓詞。後者將People's Republic of China中的Republic 讀成「re-fucking」、China讀成「支那」。兩人展示「HONG KONG IS NOT CHINA」標語。(圖右為游蕙禎;圖左為梁頌恆;背景圖片來源:Tksteven@wikipedia)

2016 年10 月12 日立法會會議宣誓儀式,青年新政梁頌恆、游蕙禎讀出英文誓詞。後者將People's Republic of China中的Republic 讀成「re-fucking」、China讀成「支那」。兩人展示「HONG KONG IS NOT CHINA」標語。(圖右為游蕙禎;圖左為梁頌恆;背景圖片來源:[email protected]

這一屆立法會還未正式開會,上周二中聯辦先發話,特區政府跟著出聲明恐嚇候任議員,其實已經聞到燶味,擺到明係要重點招呼那幾位本土派色彩的議員,特別是青年新政。

中了伏俾位建制派入,就要調整策略。但忠言逆耳,依家政府及一眾建制嘍囉集中一點圍攻,先造成了氣勢。大家睇吓呢兩日嗰啲建制內外圍組織的聲明及宣言,湯大狀加多幾錢肉緊警告埋泛民勿再強出頭阻頭阻勢,連一啲講歷史時根本都唔似係歷史學者嘅所謂學者都出嚟強力聲討,足見這是一場有組織有預謀嘅行動。

唔好俾我估中,不消幾個小時後,這一位立法會主席便會宣布裁決青政兩人、劉小麗、甚至羅冠聰等人的宣誓無效。掀起政治風暴又如何?

廣告

咁辛苦花盡洪荒之力去推這一位「戀殖假愛國」上這個位,就係要佢做這一些 Dirty Jobs,現在已經是萬事俱備,氣氛做好,梁主席不報效國家還待何時?最重要嘅係呢位梁主席擺到明係「戀殖假愛國」,就算因此而犧牲掉,亦都是棄之不足惜。在阿爺操盤之下,誰人不能犧牲,有甚麼制度不可以放棄,有什麼法律不可以違反?

講到玩政治,邊度夠共產黨玩,青年新政兩位年輕人仲有大把嘢要學!

廣告

 

作者 facebook

發表意見