立場新聞 Stand News

香港保衛戰75年紀念 中史老師帶學生導賞 家長:要追悼為香港犧牲的人

2016/12/5 — 13:18

「香港保衛戰」 75 周年,加拿大駐香港及澳門總領事館12月4日在西灣國殤紀念墳場舉行紀念儀式。圖為已屆 94 歲的退伍軍人蔡炳堯先生。

「香港保衛戰」 75 周年,加拿大駐香港及澳門總領事館12月4日在西灣國殤紀念墳場舉行紀念儀式。圖為已屆 94 歲的退伍軍人蔡炳堯先生。

【圖、文:朝雲】

(一)

近四百人不避迢迢,遠赴國殤紀念墳場,宏道崇烈,守望歷史。

廣告

***

廣告

謝先生和李先生,兩位前義勇軍都帶同眷屬出席儀式。李太太說:「要追悼番為香港犧牲的人。尤其是佢地係年青人,未夠 21 歲就要上戰場。」

***

已屆 94 歲的退伍軍人蔡炳堯先生。另看〈訪二戰退伍軍人蔡炳堯〉

***

不少家長亦攜同子女到來。莊先生說:「好多人都唔知,加拿大人有打依場仗,亦離開左。要俾小朋友知道。」

***

市民憶述:「咦你係咪夏千福?」夏千福立即答:「係!」

(二)

嶺南中學的中史老師,帶同學生參與紀念,並寓教育於考察,細數墓園背後的歷史。包括保衛戰中的六大軍團,和參謁墓中最高軍階的將領。不少市民自發旁聽。

(三)

中學老師:政府轉移視線,令我地覺得好氣憤

***

嶺南中學兩位中史老師,已經第三年帶領導賞。一些學生更是第二年參加。

老師說:「政府官方對保衛戰唔係幾重視。我地陣間去埋睇軍事遺跡,你去到就知,全部垃圾崗嚟,由得佢地風化霉爛倒塌。」

「冇理由剩係外國人 remember Hong Kong,我地 Hong Kong people 唔 remember Hong Kong。我地覺得有意義,歷史唔剩係書本,活生生係度。」

另一老師說:「佢地(政府)轉移視線,令我地覺得好氣憤。當年英軍和加拿大兵都保衛香港,而家剩係標榜東江縱隊遊擊戰。所以我想學生知道歷史嘅真相。佢地要有感恩心,歷史唔係過左去就算。」

 

(標題為編輯所擬;原刊於作者 FB

發表意見