立場新聞 Stand News

香港版反革命罪 — 屈你「仇警」

2017/5/31 — 11:57

陳祖光

陳祖光

【文:林勉一】

鄭嘉穎.jpg係送俾港人講地班黨棍同埋陳祖光呢個警界小丑嘅。

廣告

仇警呢兩個字,基本上已經係黨棍同警界小丑嘅百搭Key,總之有人質疑警察、講嘢唔啱聽,就屈人仇警,就好似中共以前嘅反革命罪咁,總之唔啱聽就係反革命。

話說港人講地嘅黨棍發現某中學有份通識測驗卷問個撐七警集會如何違反法治精神,佢地即刻執到寶咁樣大造文章,話人洗腦,仲話人地引用嘅報導不符事實,又訪問員佐級工會陳祖光,扣帽子屈人「仇警」。

廣告

作者製圖

作者製圖

黨棍批鬥嗰份通識測驗卷,真係出得唔夠嚴謹。通識題點會問個集會『如何』違反法治精神?通常會問『是否同意』或『多大程度』,而且唔會引用單一資料。呢次份測驗卷俾位人入到見血,出卷嘅人有部分責任。

雖然警察非法集會高叫『X你老母』又鬧法官,但係咪違反法治精神其實有爭議性架。同埋個通識題目啲資料應該有唔同立場嘅選材架,否則就討論唔到不同角度。

至於引用嘅資料係咪失實,陳祖光話佢地唔係集會,個資料話佢地係集會。喂,而家係警察大晒?《公安條例》講明私人處所500人以上嘅活動都向警務處長作意向通知,否則可以告非法集會(註1),你地警察個集會可以帶埋街外人入去,根本就唔係所謂嘅業務會議。而家有人用集會嘅形容你地嘅行動,又叫仇警?警察係咪真係大晒?

份卷唔夠嚴謹,唔代表黨棍開足火力上綱上線咁批鬥學校仇警係合理,佢地根本就係製造事端嚟製造寒蟬效應,香港而家有反革命罪喇,就係屈你「仇警」。

仲有呢個陳祖光,堂堂男子漢有被害妄想症乎?我都相信香港警察唔係個個都陳祖光,但陳祖光呢種跳樑小丑映衰全港三萬幾警察。警察形象低落,唔係因為有出得唔好嘅通識卷,而係因為陳祖光代表香港警察表現得橫蠻無理。

「仇警」呢個百搭Key會不斷俾黨棍用嚟批鬥人,你覺得佢地冇道理?中共屈人反革命幾時有道理過?



註1

作者 facebook

發表意見