假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2018/5/29 - 12:44

馬時亨係咩專家?

資料圖片:馬時亨

資料圖片:馬時亨

新聞報道,港鐵主席馬屎…馬時亨說港鐵不用就工程問題事事向傳媒披露,皆因記者都唔係專家,總之佢哋(港鐵)話OK就OK。但據我記得其實馬時亨都唔係工程專家嚟囉,點信佢好?

馬時亨的CV可以簡化為兩大工作,高官同iBanker,即係咩專家都唔係。還記得佢做高官發生仙股事件時講「檯面文件山咁高我點睇晒呀」(大意),即係認自己唔識啦(btw好似成個政府咁多「專家」都冇人知發生咩事)。至於佢做iBanker係點我唔清楚,但我記得當年金融海嘯,美國國會問班iBanker堆金融產品係乜,佢哋自己都唔知(同仙股事件一樣)。所以做高官同iBanker,即係咩專家都唔係。

但無妨。香港地,特別係親中派,總之擺出一個專家款就得,冇人會質疑返佢哋轉頭。好似楊潤雄咁,佢識教育咩?佢識歷史咩?佢啲細路讀香港學校咩?總之出嚟個款似專家咪得囉(某程度上可能陳美齡真係專家過佢)。董建華係咩專家?生意失敗專家,而佢又可以成日出嚟指教人搞經濟同政治。好鐘意教香港人法律嗰個李飛,其實係咩專家大家知唔知?根據維基,佢係「北京大學日語專業本科畢業」㗎。

廣告

到真係有專家回應啦,「(南生圍)悶燒根本說不通」,佢哋又會搬龍門唔同你講專家講第樣㗎啦,睇住嚟啦。

 

原刊於作者博客