立場新聞 Stand News

【驅逐馬凱】民主派提動議要求林鄭解釋 「話俾全世界聽特區政府唔歡迎呢啲人,夠唔夠膽?」

2018/10/9 — 15:55

圖片來源:rthk片段截圖

圖片來源:rthk片段截圖

特區政府驅逐外國記者會第一副主席馬凱離港,特首林鄭月娥拒絕交代原因。民主派將在明日林鄭宣讀施政報告後提出休會辯論,和在10月24日立法會提出傳召動議,要求林鄭月娥和官員交代馬凱不獲續批工作簽證的原因。公民黨黨魁楊岳橋表示,雖然政府拒絕交代,但一批「左派嘍囉」已經代政府講清楚,「一係特首出來反駁,話而家啲左派講嘅全部都係錯嘅,一係你就自己出來堂堂正正,既然你做得咁理直氣壯,你咪話俾全世界聽,我特區政府就係唔歡迎呢啲人,你夠唔夠膽咁做,我就睇你特區政府係咪要將國際金融中心呢個金漆招牌打爛佢。」

民主派下午開記者會公布,許智峰會在明天林鄭月娥宣讀施政報告後提出休會辯論,毛孟靜就會在10月24日的大會提出傳召林鄭月娥、保安局局長李家超和入境處處長到立法會作證解釋,「會唔會覺得過嘅機會好低?呢個唔猜測,希望建制派唔好一味淨係識擁護老闆。」毛孟靜又批評,政府的做法是「用一個外國記者祭旗」,以政治手段打壓新聞自由,只以國際慣例不需要解釋出入境政策來推搪,是「近乎無賴嘅說法」,事件已經引起國際關注,政府不能蒙混過關。

楊岳橋就表示,香港國際金融城市的地位不是理所當然,而是超過一世紀累積而來,「呢個招牌喺我哋眼前被特區政府打爛」,雖然政府一直拒絕解釋,但左派人士已經代政府交代原因,既然政府認為自己理直氣壯,應該公開交代。

廣告

民主黨的林卓廷就表示,真正的國際慣例是香港作為國際金融中心,「應該歡迎所有國際傳媒採訪,自由去問唔同政見人士睇法」,他又質疑除了馬凱,英國保守黨人權委員會副主席羅哲斯,以至日本和台灣議員都被拒入境,反映今次不是個別事件,連串被拒入境反映香港言論和新聞自由收窄。林卓廷又批評林鄭月娥「比梁振英更虛偽」,「梁振英最少擺明車馬批評 FCC(外國記者會),話要收返個會址,但林鄭月娥唔講、淨係做, 敢做唔敢認。」

外交部昨日回應事件時表示,看不到事件對香港國際譽有影響,人民力量陳志全反駁,「佢睇唔到係佢隻眼有問題」,認為香港的聲譽並非由林鄭月娥或北京說了算,「係外國人點睇你呢個國際城市聲譽有無受損,歐美社會、全世界傳媒都遺憾、擔憂,呢個就係香港聲譽受損嘅最佳證據。」他認為政府的做法已經令香港受損,立法會要求政府公開交代,是希望令傷害減到最低。

廣告

發表意見