立場新聞 Stand News

高永文聽張德江沙士勝利說 會否百感交集?

2016/5/17 — 21:53

面對隱瞞沙士、播毒香港、害死咁多條人命嘅元兇,唔知食物及衛生局局長高永文呢一握有乜感受呢?

2003年,高永文臨危受命任醫管局署理行政總裁,接替因沙士入院嘅行政總裁何兆煒,喺一線指揮抗疫,佢日以繼夜,夜以繼日,以健康同生命作為代價為香港守龍門。不過,當時沙士疫情兇險難以受控,期間前線醫護人員不停受感染,一個一個倒下,醫管局當時被指保護裝備不足,管理不善,不體恤懷孕員工等,高永文因此承受了極大壓力,甚至哭了出來。

廣告

「若果公眾或者我同事,覺得我們( 管理層 )表現不好,尤其是我這個最高領導的表現不好,甚至去到辭職,我都覺得無問題。我只想說到這裏,多謝。」

高永文在2003年4月23日的商台節目中哽咽地說。

廣告

星島日報報道,高永文對醫護人員的殉職感到難過,他坦言醫生不是軍人,醫療界從沒想過未及處理好疫症,自己會死,家人亦遇害。但他有信心,即使再有疫症,香港醫護人員仍會義不容辭投入工作。

最後高永文跟時任醫管局主席梁智鴻雙雙問責辭職。

時間飛逝,官場輪迴,當年一個放毒,一個守關,估唔到喺呢個場合相會,張德江喺日頭仲要自詡抗沙士勝利云云,相信喺今日一眾特區官員之中,高永文可能係對張德江最百感交集嘅人。

政府新聞網片段截圖

政府新聞網片段截圖

 

作者 facebook page

發表意見