立場新聞 Stand News

高院重判抗爭者

2017/8/16 — 13:38

15/8 立會

高院重判抗爭者

* * *

13 名因東北規劃撥款,衝擊立會而被控的抗爭者,俱被上訴庭加刑,重囚 8 至 13 個月,即時入獄。

廣告

眾被告皆考慮上訴至終審庭,惟需留待數旬,如獲受理,方有機會保釋。

岑敖暉說:「法庭想用阻嚇性刑罰令我地驚。我地會失望,憤怒,唔開心,但我地唔會驚。」

廣告

「今次高等法院的判決超級離譜。高貴嘅法官不斷唔理之前案例,唔理上訴庭指引,口口聲聲去政治化,卻不斷加入個人觀感,強加於抗爭者上。」

* * *

劉小麗說:「之所以有咁多人出嚟抗爭,係因為官商勾結,只係為左小部分權貴嘅利益,打壓貧者、弱者。無論我地用咩和平、議事嘅方法,都無法阻延依啲暴行。但社會對依啲暴力視若無睹,只係睇到用竹枝撬門。」

「佢地係保護別人家園,而唔係為自己。點解我地對製造問題嘅人咁包容,對站在弱者嗰邊啲人咁粗暴。」

* * *

張超雄說,其中一位抗爭者曾是他學生,他深以為傲。

「作為一個老師,有一個願意挺身而出,為公義發聲嘅學生,我希望以佢為榜樣。」

最後他籲記者去東北視察,激動拍檯。「我希望你地去新界東北影相,當啲推土機推冧人地家園、推冧老人院、推冧殘疾人士院舍、破壞幾代人嘅農田,問吓依啲係咪暴力!」

* * *

陳志全說:「法官話希望判決有阻嚇作用,想阻乜嘢?想市民遇到唔公義嘅事唔敢再出嚟?下次東北規劃要再攞錢,民主派會更搏命,同更多市民包圍立會。」

* * *

朱凱廸強調,抗爭者非如政府所言,純粹反對發展,阻礙香港前進。「歸根究底都係兩個字,民主。」

「香港依片土地,所有房屋問題,規劃問題,都應該由香港人以民主方式決定。為左改變依個社會,我地絕不後悔。」

「政府想令香港市民討厭我地,透過輿論戰以為我地破壞香港。但即使失去左前鋒,我地會繼續踢,一人行多步。尊嚴絕對唔係乖乖地得番嚟。」

* * *

有聽審的記者問,上訴庭楊振權法官,接受七警上訴,理由之一便是考慮壓力大等背景,入獄兩年或太長;但到東北案時就不予考慮,判逾一年,詢問村民有何意見。村民說未見正式判辭,時值上訴,不予評論。

 

作者 facebook

發表意見