立場新聞 Stand News

鬧長毛做乜?不如公民提名葉劉啦!

2017/2/9 — 17:16

梁國雄

梁國雄

【文:林屁(廣告人)】

長毛爭取公民提名去選特首好多人鬧,我想搞返清楚件事先。

1)長毛自打嘴巴。無錯,佢同人力社記都鬧過民主派參加小圈子選舉,最唔應該選係佢。就算佢話今次有公民提名,同民主派過往唔同,但我認為都唔算爭好多,以前叫做有初選啦好似。況且長毛自己都話,唔想民主派投建制派,咁投返個民主派有咩用呢,我唔明。

廣告

2)之但係,公民提名長毛入去,真係幫緊林鄭咩?據講而家中共揸五百零票,商界泛民各三百左右,要合力先贏到中共欽點嘅林鄭。但小圈子選舉係要601票先贏,林鄭一係夠票,一係唔夠票。如果真係咁好彩第一輪投票無人贏,斷估薯片點都有第二掛?去到第二輪得返林鄭薯片都無話咩𠝹唔𠝹啦,到時投白票或者其他人嘅選委,自己會諗啦。

3)以薯片而家嘅民望,公民提名都贏緊,你真係咁唔妥長毛咪走去提名薯片囉(咪住先,定其實你唔妥公民提名)。但民主派夠提名兩個人,點解唔提多個民主派候選人入去?無叫你提名一定要跟住投呀,話曬都係個平台丫,入去擺明搞事又好,迫其他人回應你又好,唔係扮要贏,都唔會增加小圈子認受性。

廣告

4)LE(lesser evil)派驚嘅可能係,而家長毛搞到佢地唔可以提名薯片,商界又驚死,薯片入唔到閘。我又覺得,公民提名薯片贏咗民望派大條道理提名佢,如果商界連提名薯片都驚,咁真係抵死啦,你寄望薯片入閘後佢地進入反叛期咩。

5)有人話打正旗號投白票嘅候選人收晒皮,所以長毛係輸打贏要。你有得投選委?我無呀,咁係咪我有問題?如果你有得投,都知道選委會係全票制,一個陣營出夠人就可以全取,咁係咪代表無人支持投白票?睇返個選舉制度先再講啦。

6)好喇,當我真係支持薯片喇,民意丫嘛,策略丫嘛,咁唔滿意長毛爭取公民提名嘅,一於谷比葉劉啦,胡官都會𠝹走薯片票呀,葉劉淨係會𠝹走林鄭票咋,西環土共內鬥呀,重可以令長毛收皮添。
 

發表意見