立場新聞 Stand News

黃之鋒:我接受「票債票償」 但我接受唔到「DQ 抵死」

2017/3/27 — 19:57

黃之鋒。攝:朝雲

黃之鋒。攝:朝雲

26/3 灣仔 塵埃落定(二)

問:薯粉不斷洗版,軟硬兼施,要求你們投曾。軟的動之以情,硬的脅之以威,狠批你們不從民意,票債票償,但你們不為所動。現在塵埃落定,你們怎樣回應薯粉的不滿?

朱凱廸:過去幾個月,我地都用行動說明立場,爭取公民提名。我明白大家嘅情緒,唔會求大家接受我,我會為自己嘅決定負責。

廣告

黃之鋒:我最唔開心係見到「等 DQ」、「抵你地 DQ」等留言。如果黃碧雲同樣因為宣誓內容而被政府告,我唔會因為政見唔同,幸災樂禍佢被 DQ。

我明白同理解「票債票償」,但點解因為從政者同你立場唔同,就覺得政府應該 DQ 我地?

廣告

選舉前我地一再講兩個論點。雖然經常傳出建制內部有矛盾,但習近平管治手腕咁強硬,仍然控制到大部分選委。

我明白大家想休養生息,冇人覺得曾俊華差過林鄭。但希望大家明白,爭取民主唔能夠指望商界跳槽,本地商界冇跳船跡象。大家有唔同意見,但今日結果應驗左我地悲觀的判斷。

有啲人要求我地,就算曾俊華贏唔到都要投佢,但如果講策略就冇需要咁做。民主派要檢討,其他派系已經純熟運用社交媒體,公關技巧和群眾動員。王維基係先兆,曾俊華更勁。

大家唔好再 share《大紀元》喇。

朱凱廸。攝:朝雲

朱凱廸。攝:朝雲

問:如果曾俊華在你面前,你會對他說什麼?

朱凱廸:希望佢可以企出嚟。有咁多人受到佢激勵,如果佢願意繼續放下身段,做人民代表,一定好多人支持佢。雖然我同佢唔同,但如果香港嘅民主有依把聲音,係符合而家好多市民嘅諗法。

黃之鋒:有些人希望他成為陳方安生,但我覺得曾俊華不會。

***

黃之鋒繼續回答記者:

「當唐英年都投林鄭時,未來香港民主運動可唔可以寄望同商界合流,換取成果?我唔講啱唔啱,只問可不可行,但觀乎今日結果就是未必可行。唔好寄望中共嘅強硬路線會有任何舒緩。」

習近平很可能於七一前後來港,任命林鄭。黃之鋒認為時就是大型抗爭的契機。

「雖然大家覺得心灰意冷,但要明白抗爭先係唯一出路。有人覺得要休養生息,毋須係運動企得太前,或者大時大節先參與,我地理解,但希望佢地明白,民主運動係要付上代價。」

發表意見