立場新聞 Stand News

黃毓民狠批青年新政「三分顏色上大紅」 非本土派而是冇水平投機派 斥游蕙禎「廿幾歲𡃁妹乜X都唔識」

2016/8/30 — 13:35

在九龍西尋求連任的「熱普城」陣營候選人黃毓民,早前公開批評本土民主前線梁天琦,未有協助出戰港島的熱血公民成員鄭錦滿,卻為游蕙禎助選,「不知這是什麼政治倫理 ... 未做議員先做政棍」,令他十分失望;黃毓民昨日在網台節目中再談及事件,並指梁天琦不為鄭錦滿而為游蕙禎助選是沒有義氣,又批評青年新政及游蕙禎投機、沒有能力。

黃毓民表示,自己對於「同路」的年輕人進入議會、取代泛民,是樂觀其成;他指自己亦希望游蕙禎勝出:「我都想佢贏喎大佬,你有本事踢走黃碧雲毛孟靜,你咪贏囉,你諗住踢走我嚟贏呀?發夢冇咁撚早。」

黃毓民又引述外界有指他「驚輸」,對此表示否認,並稱自己任立法會議員八年,在議會的表現有目共睹,亦有地區工作,「如果咁樣做八年,會輸畀一個新人,屌,連議事規則修改邊條,都要搵人喺個耳邊講畀佢聽然後出埋鏡,咁屌你老味抵撚死啦,收山啦可以。…輸畀游蕙禎我咪收山囉!一個廿幾歲嘅𡃁妹,乜撚嘢都唔識,我做撚咗八年我輸畀佢,咁仲唔撚收山呀?」

廣告

指青年新政為投機派「三分顏色上大紅」

黃毓民表示,會支持提出港獨的人,但亦會「踢走啲反骨仔」,指青年新政並非真正的港獨派而是「投機派」:

廣告

「港獨有咩問題?你係港獨先好,你唔撚係吖嘛!講咗幾次啦已經,我從來唔會認為你青年新政係本土派,你亦唔係港獨。你幾時正正式式,好似陳浩天咁行出嚟講港獨吖你話畀我聽,你係投機派,仲係好撚冇水平嘅投機派。…包括而家當時得令嘅青年新政加本民前,自認港獨派好撚多人支持,尋日開嗰個(造勢大會),有幾多人呀?屌你老母三分顏色上大紅,以為好撚威,跌撚死你啊,我而家話畀你聽。」

同場的另一節目主持梁錦祥表示:「MyRadio包容港獨,陳浩天就係一個例子,不過我哋係唔會包容一啲我哋曾經幫過,但到頭來要背叛我哋嘅人」。

黃毓民又直斥游蕙禎、劉小麗等新人是「屎」,並指在社交網站上支持青年新政的網絡名人均是垃圾。

批梁天琦不為鄭錦滿助選無義氣

黃毓民又指出,自己在新東補選後,即呼籲梁天琦九月參選,確認書事件後亦勸他簽署,「哪怕你去選會影響到陳雲,我都係叫你去選」。黃毓民又透露,梁天琦等曾於 8月7日向他解釋Plan B決定,黃毓民當時要求梁為港島的鄭錦滿,並指若梁天琦不為鄭錦滿站台而赴九龍西為游蕙禎站台,便是無義氣,但八月底梁天琦仍未回覆他。

「或者係因為你個大局,你青政本民前要隊冧熱普城,咁冇所謂,大家比實力,你講就得啦。我哋唔當你哋敵人,係咪?我哋不嬲對呢班年輕人,只有支持鼓勵、從無打壓封殺,咪各有各做囉……到頭來,屌你老味,踢我春袋、落我面。…我唔會大蝦細,大家層次唔撚同,屌你好似蒼蠅咁嗡嗡亂講,對我冇影響㗎嘛。但係有啲嘢係有倫理、規矩。以下犯上唔緊要…要有能力嘛。」

指梁天琦是蠢仔

黃毓民又指,他已約束已方陣營的人不要多言,但黃台仰一方則做不到:

「你唔撚做,搵容樂其做、搵第二啲人做……梁天琦我覺得佢係一個好仔、叻仔,唔係叻撚到會做壞事嗰種,但奈何朋黨,冇計,真係好可惜。佢係好仔、乖仔、亦都係叻仔,佢同RAY WONG係有好大嘅分別。叻仔乖仔好仔,但係係一個蠢仔。」

發表意見