立場新聞 Stand News

點解?因為香港政府是個「奴隸」政府

2019/6/14 — 17:16

點解每一次都係要搞到公眾行到雙腳冇力,嗌到喉嚨沙啞,都解決唔到問題,都不能令政府回心轉意,要繼續胡作非為?

點解經常都會搞到噴完口水、出完汗水、甚至有人流出血水,呢班人先至知道情況嚴重?(而且仲係慢咗好多拍)

點解做行政會議成員的可以話「之前估計唔到」事態嚴重?到事態真係好嚴重先至知道知道事態嚴重?佢哋重憑乜做行政會議成員?佢哋嘅警覺性連一個普通牛頭角順嫂都不如!咁使鬼對佢哋做行政會議!係咪要回水?

廣告

公眾的反應早就是眾所周知。係邊個撐特首撐政府繼續去馬,不理會公眾反應?邊個曾經講過,「絕對唔改得」,「絕對唔可以退讓」?咪閃呀,湯人渣,大家都認到你㗎!我哋到時放長雙眼睇!睇吓個位劉大教授點樣拆佢嗰套「渉及國家安全」、「香港管治權爭奪戰」、「絕對冇收回空間」嘅萬能Key!!!

佢哋個個都曾經或明或晦,直接間接撐警察暴力歐打和平示威者!

廣告

依家知道可能去唔到美國,資產可能被凍結,佢哋就出嚟轉軚補飛?

點解會係咁?原因好簡單,就係因為有一班以「建制派」為名的「奴隸派」人物。行政會議、立法會,都是由這班人把持。

「支持建制」?呢班人講緊乜?呢班人做緊乜?其實是不斷在破壞香港的制度,摧毁香港人原本嘅生活方式,協助中共破壞香港原有制度。佢哋其實係「反建制派」、或「破壞建制派」。

佢哋只配稱為「奴隸派」!

香港市民,記住呢班人!
記住「建制派」其實係「奴隸」!

佢哋只係睇佢阿爺頭,只係聽西環話,只係會支持特區政府胡作非為,只是在不斷侵害香港人嘅權益同自由!

佢哋從來不會真心聽市民嘅意見,只會不斷扭曲民意,不斷以權勢打壓市民的訴求!

佢哋自己做咗「奴隸」,就要所有香港人都成為「奴隸」!

記住佢哋名字,登記做選民。

雖然選舉制度被扭曲,雖然議會制度不平衡,但係我哋要做選民,要盡量爭取令佢哋票債票償!

我就唔信政府可以將所有人DQ!

作者 facebook

發表意見