立場新聞 Stand News

【5月1日上水】光復行動波譎雲詭 關注組取消遊行 團體各自行動

2016/5/2 — 16:43

 

【文 / 相:朝雲】

科大行動解釋,活動源於水貨客關注組、香港民族陣線、勇武前線、學生動源等組織互相聯繫,合辦五一光復。但到開會時覺得「唔對路」,未符他們預期中的光復,當時已決定遊行後各自行動。

廣告

他們在三點到新功街,見到警察包圍集會人士,亦收到電話說遊行取消,遂轉往火車站監督執法。「反正大家理念未必相同,有依個機會,亦唔想早去早回唔好睇。所以分開做,選擇左依度(上水站)。」

「以前香港係國際大都會,但而家香港變左中國嘅購物天堂。。。外國人視香港為一個有文化,有特色的地方;但中國人則視香港為一個買嘢好平嘅地方。係中國出現問題,佢地嘅概念扭曲;香港人亦切合,信奉佢地扭曲嘅概念,結果開左好多藥房,水貨倉等等。香港人要諗清楚,點解香港會由國際大都會,變左中國人的購物商場。」

廣告

「立法、司法、同埋執法機關,要睇清楚咩叫做公義。唔好針對香港人,覺得我地搞事。我地係為香港人嘅生活。。。未來香港人一定要有自己選出來的政府。如果係一國兩制下,冇可能有民主嘅政府,咁可能真係要香港獨立,先至係最好嘅解決方法。」

「依幾日好多水貨倉,藥房都唔夠膽開門。我覺得係為上水居民帶來寧靜,改善佢地生活。或者唔係所有人贊成,有人覺得我地搞事。但睇番北區嘅投票意向就知,所有反水貨的議員得票比較多。用盡方法幫佢地,就係我最大嘅心願。」

「市民要睇清楚現實,到底係邊個搞事,滋擾上水居民、成個香港居民嘅生活。反思香港嘅未來要點行。」

*   *   *

問:點解發起今次行動?

科大行動:最主要係針對港鐵執法,香港人拿著大型樂器就唔俾入閘和罰款;拖著大型行李卻不會阻撓。適逢中國的長假開始,更多陸客來港購物,所以嚟依度幫港鐵職員執法,提醒遊客遵守香港法例。要佢地蝕錢俾港鐵唔好;危及其他人的安全亦唔好。

*   *   *

問:遊行突然腰斬,充斥很多內幕和陰謀論。你們怎樣回應?

科大行動:我不會猜度任何陰謀論。無論各方採用什麼方式,遊行、派傳單、做義工都好,都係想改善水貨問題,亦想提醒大家,香港唔係一個水貨倉,而係一個有自己規距的地方。

*   *   *

問:按原定計劃,你們原應與其他組織一齊遊行?

科大行動:係。我地科大行動一點幾已經嚟到上水,諗住食完嘢,就跟住不反對通知書遊行,解散後先幫手執法。但好遺憾去到新功街,只係見到好多警察,收到梁金成解散遊行的消息。我地唯有提早過嚟幫手。

*   *   *

問:梁金成和水貨客關注組說,有人滲透,企圖搗亂,在上水複製旺角事件。你怎樣看?

科大行動:我唔覺得有依個情況出現。出得嚟遊行就預左有人搗亂,唔同立場嘅人罵戰等等。但依啲嘢係以往已經發生左無數次。我唔明白點解因為猜測就取消成個遊行。好多人嚟到上水先收到消息,令佢地好徬徨,唔知點做。

我覺得取消嘅理由唔合理,唔應該成為取消嘅原因。只要我地跟著不反對通知書去行,我唔覺得有咩問題。

 

發表意見