立場新聞 Stand News

6 月 9 至 12 日抗爭者預備被捕須知

2019/6/13 — 14:42

近日多新手抗爭者,而大規模拘捕必會發生,務必廣傳

不要心存僥倖,高危可能被捕人士包括:
1) 9 至 12 日在抗爭有關地點被 check 過身份證
2) 9 號當晚被圍捕過,(特別係11丶12日又再有去)
3) 近日俾過個人資料警方
4) 企過响前線同鏡頭前面,不論口罩遮面程度
5) 曾經加入過 Telegram 《公海總谷》 (特別係發表過策略,位置,個人資料,上傳抗爭照片的)

據 14 雨傘及 16 魚蛋經驗,拘捕預計在今日13日左右開始,以上高危人士有大約半日時間Get Ready,必須趕緊預備,盡量減低後果嚴重性,是坐監與唔洗坐,坐好長坐好短的分別。林鄭宣佈12日係暴動,告暴動丶煽動罪機會因此很高。

廣告

警察係可以先拉左你再搵料告你。有律師或家境如何都不是優勢,梁天琦、容偉業等戴住口罩嘅人也可入罪,絶不能寄望好彩。

立刻

廣告

1.搵定一個你最信任的人幫助
2.做好心理準備有警方拘捕你
儘量記住有接濟能力的朋友的電話
3.清空電話/電腦,包括
a.退出所有 telegram, WhatsApp groups 並delete 現有對話,delete Facebook app. 
b.Delete 所有有關相片丶影片,有必要save的就save 落hard disk 交予可信而不是拘捕目標的朋友,遠離自己屋企辦工處
c.delete 所有電話上的位置紀錄
d.預備好被警察搜查屋企或辦公地方,

家人覺得太舊太污糟的物品,咁污糟就全部丟到去好遠的地方。

警察要求進入時,百分百堅持要求搜查令,如沒有絕不開門,亦要告知家人這個措施

如警察要離開去取得搜查令但拘捕你走,你家人會在警方再次造訪之前大概有三個鐘頭左右,再檢查一次

拘捕後,記緊所有口供,只講「我冇嘢講」這四個字。話「我唔知道」都會有大問題,直至有律師協助

警察會取你手機,絕對不要解鎖

警員會沒收個人物品封存,要睇住佢貼實膠紙,徹底鞏固封存,不能容許警員有機會偷走任何物品

你會有機會打一個電話俾自己律師或家人,但不知警員會幾時先俾你打。如沒有私人律師,警員會提供一份當值律師名册讓你選擇一名來在警署代表你。

很大機會不獲保釋,跟住就是拘留48小時。要準備感受孤獨及辛苦,睡眠受阻,冇得去廁所,冇飯食,雙手落扣。此等痛苦期間,警員再接觸你,即使是男或女或友善D,要永遠只是重複我冇嘢講,不要接受任何形式引誘而開始講任何其他嘢。48小時後就會上庭。

如落實起訴你就會直接還押你,等候排期審訊期間,會白坐監半年,甚至以上。不要倒下來。
或者少許安慰的是,如果最終判無罪係白坐,政府會俾500蚊一日補償你。

以上嘅野 2016 年已出現過,你要預備自己嘅意志力。之後判坐半年定坐三年定更多,其實你也無能為力。但上次暴動案有人打得甩,我希望今次你會係打得甩果個。

呢個係白色恐怖嘅時代,係現實,請你做好準備,減低犧牲俾呢個政府可能性。香港人,活下去。

【文:無名】

發表意見