立場新聞 Stand News

【6.12 佔領者們】「仲未係 endgame,有好多人仍在堅持緊。」

2019/6/12 — 11:51

數以萬計示威者今早佔據夏慤道,記者所見,佔路的絕大部分都是 20 歲左右的年輕人,19 歲中六生 Korathy 今早與 22 歲胞姊到場,在群眾衝出夏慤道後加入佔領,她指自己無參與傘運、旺角騷亂,今次絕大部分同校中六生都出了來,只因對政府太不滿,「如果現在唔反抗,以後就無機會。這條惡法通過後,上街遊行都有危險。香港會無哂言論自由,變成大陸一樣,你在大陸不敢講的,於香港也不敢。」

Korathy 今年19 歲,今天七時多就到現場,佔路後幫忙呼籲海富橋上圍觀者「落嚟!」,「多啲人一齊無咁驚,相對難發生危險的事。」其後又幫忙搬運頭盔、雨傘、索帶等物資。她表示,出門前與姊姊 Kitty 有共識不要站太前,但到場後改變想法,毫不猶豫地佔路,「都落咗嚟啦,唔怕死啦,咪行前啲囉 … 如果呢度咁多人一齊上前線,我無問,但得幾個人一定輸,都唔會上。」

但她們亦害怕警察清場,「如果而家放催淚彈,咁多人一定走唔到」。Kitty 稱家人知道她倆出來,都擔心,叮囑小心安全、不要衝到最前,但沒有阻止。

廣告

Korathy 傘運時仍年輕,只有 14 歲,直言「唔係太知發生咩事」,但她認為,「雨傘只是開始,現在只是中段,如果政府不處理,這件事一定不會完。」有人今次反送中一役是香港最終一戰,她不認同:「仲未係 endgame,有好多人仍在堅持緊。」

廣告

發表意見