立場新聞 Stand News

【6.16 大遊行】徐天佑悼亡父:若老竇仲在生 今日一定捉佢去街行幾粒鐘

2019/6/16 — 17:49

民陣今日再舉行反送中遊行,正值是父親節。組合 Shine 成員徐天佑今日在 Facebook 悼念亡父,同時為遊行人士加油:「我老竇生前好撐我,如果佢仲在生,今日我一定會捉佢去街度行返幾粒鐘。」

徐天佑父親在 2012 年離世。徐天佑今日在 FB 發文,「我老竇生前好撐我,如果佢仲在生,今日我一定會捉佢去街度行返幾粒鐘,然後好快佢就一定會話攰,要嘆杯奶茶。我一定會同佢去,憤怒的燒味舖,然後飲杯奶茶吹返幾粒鐘。如果有如果,能夠咁樣慶祝父親節,我滿足了」。

他又在文末寫下「加油」、「安全」的標籤,為遊行人士打氣。

廣告

徐天佑近日多次就《逃犯條例》修訂表態,是少數願意開腔的本地藝人。早前他將社交網站頭像轉為全黑,卻被網民留言挑釁「奀星做乜轉頭像?」徐天佑當時霸氣反擊:「關你叉事」。

昨日特首林鄭月娥宣布暫緩修例,又形容警方近日執法是理所當然、天經地義。徐天佑亦發文揶揄:「我暫緩做緊嗰首新歌,然後又加左句歌詞入去『理所當然,天經地義』。」

廣告

發表意見