立場新聞 Stand News

6.30 撐警集會觀察

2019/6/30 — 18:55

圖片來源:作者 Facebook

圖片來源:作者 Facebook

1. 集會人數多,高空望落去係多人到要湧出龍和道,保守估計 3 萬(大會話 16 萬 5 千,就真係老吹無哂譜。)警隊都 3 萬人,加上建制動員,呢個數算係基本盤。民建聯、工聯會、新民黨都有代表上台,甚至動員梁家輝、譚校長等藝人出席,證明建制派開始聚集力氣,輿論反擊。反修例的朋友千萬不能鬆懈,七一之後估計建制動員會更猖狂。

2. 主調唔係集中修例(有議員評論),講警方執法,撐警已成建制派嘅最大公因數。徹查警察暴力先至係今次反送中運動最艱難、但可能最重要嘅目標。

3. 問題狀況:

廣告

a. 親中智庫政研會扮記者,成員掛上「大會傳媒」識別證。

b. 集會人士撕毀金鐘所有標語,包括中信天橋、連儂牆,甚至連公祭逝者嘅場地都被撕毀,製造大量垃圾。

廣告

c. 不斷攻擊在場人士,包括向煲底留守者擲泥土、水果、玻璃碎片等(誤中大量記者),追打身穿黑衣年輕人,以及立法會議員(林卓廷)。

d. 集會未完結,已經有一堆藍色底嘅標語堆積於地上,疊成垃圾山。

4. 到底係唔係建制派人品素質比較低劣?各位自行評價。上街遇到嘅藍絲,主要中年以上,都係精神極煩燥、言語以粗口鬧人、無法正常說理嘅居多。

5. 無論如何,此舉必然係為建制陣營打響頭炮以及強心針,要反制呢鼓氣焰,必然係靠 7.1 上街人數對沖。聽日見。

 

作者 Facebook

發表意見