立場新聞 Stand News

689,你為什麼要遲到?

2015/10/19 — 11:16

梁振英 ( 資料圖片 )

梁振英 ( 資料圖片 )

曾經同個同事去Render到開會,佢遲左成十分鐘到樓下,會後我片左佢成程車。

「你平時返工遲唔話你,不過約人開會你遲,你知唔知上面每個人冇左十幾分鐘,嗰度無左幾多時間?連我地Call Meeting自己都遲,第時約個客如果佢地遲到我地都冇嘢講」好彩呢次樓上嘅唔係秒秒幾百萬上落、有輪有廓嘅人(如倫敦的香港工商協會)。都好彩個同事無話「因為途中我見到公司個Logo,感動到落車望,所以遲左。」

更加好彩佢唔係我老細。

廣告

專家說,不喜歡遲到的人通過(有意識或無意識的)行動、承諾滿足他人的合理期望,雙方最先及直接的共識就是時間,所以不會遲到。而喜歡遲到者(即是那些遲到仲笑笑口說因為看到祖國國旗所以停車看的人),不喜歡與別人合作,不想滿足別人,極度自我中心,尤其是過份或多次遲到,發出的消息是“我比你更重要”。

遲到只有兩個原因:

廣告

刻意遲或者無奈遲。

只說前者,因為你遲到之後仲講「是因為在途中見到中國國旗而下車」,仲唔係專登係咩。

各國元首(你不是)都有很多遲到的記錄,據報奧巴馬已經有累計2121分鐘遲到,普京遲到遲到响曬朵,他們明顯是表達一個message:我最重要。

而這些刻意遲有一例我覺得做得有點不好不過很有意思:

台北市長柯文哲上任後,接連挑出台北市政府之前批出過嘅基建項目弊端,先後與郭台銘旗下鴻海集團、龍頭建造商遠雄集團等五大財團開火,強調絕不向大財團屈服。有日同遠雄集團創辦人趙藤雄會面時,遲到15分鐘;柯文哲解釋,遲到是為了令對方知道,「我藐視你」。

須知道五個月內所有會議,只錄得他遲到一次,是為一分鐘。

這不是他遲到的籍口。

689,用一個你最愛含(字誤,應該係含愛)的共產黨的神級人物的故事作結:

記得看過朱培慶的訪問,他向記者講述了一個周恩來守時嘅往事。

朱培慶當時在外交部禮賓司任職,有日周恩來要在十一時半會見阿爾及利亞大使,朱培慶看到周恩來出現在人民大會堂,就通知阿爾及利亞大使可以過來。而事實上,工作到很晚的周恩來是剛來大會堂想食早餐。但係阿爾及利亞大使到了。朱培慶將此事報告給正早餐ing的周恩來。周恩來馬上放下碗筷,到大會堂門口去迎接阿爾及利亞大使。

“他從不遲到,也不會讓對方等待。”朱培慶說。

中國人係好多衰嘢,不過守時泥講真係做得唔差,就算遲左都至少有聲「對唔住」。

做擦鞋仔絕對無錯,不過唔好搵屎嚟擦老細對鞋先得㗎。

 

 

發表意見