立場新聞 Stand News

【 8.11「黑」警?】黑衣人喬裝示威者 不承認是警察 警告記者「擺低鏡頭」 「委任證唔需要畀全世界睇」

2019/8/12 — 1:28

圖片來源:無綫電視片段截圖

圖片來源:無綫電視片段截圖

銅鑼灣今晚有身穿黑衣、帶上口罩、喬裝示威者的男子,手持棍棒,協助警員制服示威者。其中一名帶黑口罩、黑衣人被在場記者多次追問是否警員,他警告記者「擺低鏡頭」 ,「委任證唔需要畀全世界睇」 ,一直未正面回應自己是否警員。

記者追訪時問到,「點解好似示威者打扮?你哋係便衣探員定警察?」黑衣人稱,「稍後 PPRB(警察公共關係科)會答你。 」

他又對記者追問不耐煩,「我哋做緊嘢,唔好騷擾我哋。」記者再追問是否警察,黑衣人斥責,「你哋係咪記者,你記者證係邊?」

廣告

多名記者隨即出示記者證,TVB 記者高舉記者證,「TVB 記者! 」警員之後警告「攞低鏡頭」,「我顯示我嘅委份證,唔需要畀全世界睇。」

黑衣人一直未承認自己是警員,「你自己諗喇。」

廣告

在銅鑼灣目擊事件的市民王先生指出,有黑衣人假扮成示威者,挑起紛爭打鬥,之後大批警員在不足一分鐘即趕到,制服多人,黑衣人即揮動綠色瑩光棒,防暴警立刻會意是「自己人」。

記者與黑衣人對話:

記:阿Sir ,點解好似示威者打扮?你哋係便衣探員定警察?
黑:稍後 PPRB (警察公共關係科)會答你,我哋做緊嘢!唔好騷擾我哋
記:你係咪警察先?委任記喺邊?
黑:記者證呢?你記者證喺邊呀!
記:(舉起記者證)TVB 記者!
黑:擺低個鏡頭
記:點解要攞低個鏡頭?
黑:我顯示我嘅委任證,唔需要畀你全世界睇!
記:你講你係咪警察。
黑:我無講過,你自己諗喇。

發表意見