立場新聞 Stand News

Big Mouth 是怎樣錬成的

2018/10/3 — 12:57

屈穎妍、吳敏兒

屈穎妍、吳敏兒

屈穎妍喺《頭條日報》(10 月 2 日)發表文章〈打巨人的上位方程式〉,內容指吳敏兒專挑巨人來打,目的只為「上位」,形容呢個係反對派嘅「造神方程式」。她甚至形容,吳敏兒過去打嘅官司,行李門事件,以致搞嘅工潮,都只不過係佢「走上政治神壇的階梯」。

萬變不離其中,如此搬弄是非嘅戲法,識破咗,竅門只有一個,就係「避談內容,只說動機」。

屈小姐通篇無半句提及航空安全嘅規定有否被破壞,更無觸及梁振英案件被法院裁定不符「同行同檢」嘅基本事實,原因好簡單,因為如果佢進入呢個討論,就會突顯空姐挑戰特權係有根有據,有法可依,「屈人之辭」就無法自圓其說。

廣告

造謠者為咗令故事聽來更加動聽和可信,有時不單要隱藏事實,更要不惜扭曲事實。屈小姐文中提到:「吳敏兒因『佔領機場』有功,三個月後,她便當上職工盟主席,李卓人退任秘書長垂簾聽政。」實情係,李卓人從來無擔任過職工盟主席一職,又何來「讓位」呢?

李卓人擔任嘅係秘書長,莫講主席一職唔可能由他讓位,喺一個民主選舉嘅組織,亦唔係任何人可以傳位。屈小姐嘅言論無中生有,仲可講到咁似層層,真係令人「眼界大開」。

廣告

呢啲造謠,表面睇不屑一顧,但係佢嘅厲害之處,就係要挑動人內心嘅陰暗面:你估佢地真係咁大仁大義咩?梗係別有用心,先會去做呢啲嘢啦!

所以,唔駛有事實根據,唔駛講道理,只要有人肯信,就可以為社區嘅 big mouth 提供源源不絕嘅上佳材料,傳遍千萬里。

 

作者 Facebook

發表意見