立場新聞 Stand News

CALL4VAN 回應梁美芬:原來一間蚊型公司可「制裁」一區?

2015/11/26 — 12:16

【文:「CALL4VAN 客貨車」創辦人 Conrad】

多謝雙料議員一而再咁提攜CALL4VAN 客貨車,今日又寫文表揚我哋同葉一知,導致柯打數量急升,在此要為呢幾日call唔到車嘅客戶致歉。

廣告

原來一間蚊型公司可以「制裁」一個地區?

咪住,我而家係加收附加費喎,可能我中文差啦,所以特登去查吓「經濟制裁」點解。

廣告

維基話:「泛指全面性的貿易中止、特定物資禁運、人員禁入,以及金融資產之凍結。一般認為,財政、金融、貿易等領域的制裁均屬於經濟制裁。」

死啦,原來我哋貨van界,出入地盤、去偏遠地區、接晚間深宵柯打,都係「制裁」緊啲地盤佬、露營友同夜更清潔工友嘅?

最後呢,話被抹黑,受到人身攻擊,呢啲其實耳熟能詳,選舉期間冇sound bite又要搵嘢講就係呢啲,但「視力有問題」同「鼠患問題」都係fair comment,唔信嘅可以搵吓眼科專家同鼠患專家 (咦...?),之於尊重選民意願,唔知點解我一聽就好有喜感...

今日天氣清涼兼非常乾燥,希望各位注意保暖同保濕,敝公司將暫停抽水工程,以免地殼乾裂。

 

 

作者是牛頭角津貼小學(下午)校友會(簡稱牛津校友會)幹事、香港蘇民大學調理農務學院抽水系高級榮譽院長。

‪#‎淫者見淫‬ ‪#‎認真便輸了‬ ‪#‎水唔係咁抽‬ ‪#‎本人意見不代表本人立場‬ ‪#‎膠刀‬ ‪#‎肺‬‪#‎豉油雞髀‬

CALL4VAN 客貨車 facebook

發表意見