立場新聞 Stand News

Call4Van 小巴公司諷黃埔「鼠患」 梁美芬:鼠患源自港鐵地盤 雙料議員監督好有用

2015/11/25 — 9:08

梁美芬當選黃埔東區議員後,在區內謝票。(梁美芬facebook)

梁美芬當選黃埔東區議員後,在區內謝票。(梁美芬facebook)

屆黃埔東選區,青年新政游蕙禎硬撼有「鼠王芬」之稱經民聯梁美芬,最終落敗,無論經營黃埔短線的小巴公司「捷運管理有限公司」,還是Call4Van均在facebook刊文「抽水」,諷刺該區的「鼠患」問題。梁美芬昨晚還擊,指在區內黃埔花園鼠患問題變得嚴重,全因港鐵觀塘延線工程地盤衛生欠佳所致。

梁美芬昨晚在facebook還擊稱,「兩間運輸公司(CALL4VAN 客貨車, 捷運管理有限公司 CFM Management Co., Ltd.)都咁關注黃埔的鼠患問題,等我梁美芬 Priscilla Leung都講返幾句」

黃埔花園鼠患問題變得嚴重,係因為港鐵觀塘延線工程地盤衛生欠佳所致,要解決呢個問題唔可以只靠黃埔管理花園去做,仲要同港鐵、食衛局、運房局溝通,最重要係確保觀塘延線工程盡快完工,唔可以再拖落去。呢個時候區議會兼立法會雙料議員就好有用,可以雙管齊下監督政府。(利申:美芬無輸到,仲係雙料議員)

美芬一直爭取港鐵要向幫觀塘延線沿線居民提供票價優惠(參考西港島線西營盤站做法),延遲幾耐就提供優惠幾耐。橫掂港鐵年年賺大錢,不如向黃埔東居民賠償埋Call貨Van運送大型樂器嗰20蚊附加費啦。

(梁美芬)

廣告

兩間運輸公司(CALL4VAN 客貨車, 捷運管理有限公司 CFM Management Co., Ltd.)都咁關注黃埔的鼠患問題,等美芬都講返兩句:黃埔花園鼠患問題變得嚴重,係因為港鐵觀塘延線工程地盤衛生欠佳所致,要解決呢個問題唔可...

Posted by 梁美芬 Priscilla Leung on Tuesday, November 24, 2015

 梁美芬當選後,無論經營黃埔短線的小巴公司「捷運管理有限公司」,還是Call4Van均在facebook刊文「抽水」,前者指已「盡可能防止鼠患」,後指則指出過半黃埔東居民「視力有問題」,諷刺區內「鼠患」問題嚴重,表明要向黃埔東居民加收20元安全行車及消毒清潔費用。

廣告

發表意見